ކުރީގެ ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރު އެއްޖިންސުން ގުޅުން ހިންގި މައްސަލާގައި ހައްޔަކުރީ ސަރުކާރުގެ ތެރޭގައި ތިބި ހަރުކަށި ފިކުރު މީހުންގެ ރުއްސަން ކަމަށް ވިދާޅުވެ ރޭ ކުރެއްވި ޓްވީޓާ ގުޅިގެން ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ރައްދެއް ދެއްވައިފި އެވެ.
އޭނަ ކުރެއްވި ޓްވީޓެއްގައި ވިދާޅުވީ އެއްޖިންސުން ގުޅުން ހިންގި މައްސަލާގައި ނާޒިމް ހައްޔަރުކުރުން ލަސް ވެސްވެއްޖެ ކަމަށާއި ކޮއްކޮގެ ދިފާއުގައި ނަޝީދު ނުކުންނަވާނެ ކަމަށެވެ. އަދި ކޮއްކޮ ހައްޔަރުކުރުން ނަޝީދު ސިފަކުރައްވާނީ ވެސް ދީނާ ގުޅުވައިގެން ބަޔަކު ރުއްސަންކުރި ކަމެއްގެ ގޮތުގައި ކަމަށް ޖަމީލު ވިދާޅުވި އެވެ.
Too little too late. Nazim who allegedly committed homosexuality was free until public outrage. Speaker continues to defend his brother & label his arrest as an act to appease religious parties in govt, while he was clamouring when scholars were arrested on baseless allegations. pic.twitter.com/xLYO0Pt3EE
— Mohamed Jameel Ahmed (@MJameelAhmed) July 28, 2022
"އެ މޭރުމުން ނަޝީދު ވާހަކަ ދައްކަވާ އިރު އަސާސެއް ނެތި ބޭއިންސާފުން ދީނީ އިލްމުވެރިންތަކެއް ހައްޔަރުކުރުމުން މައްސަލައަކަށް ނުވޭ." އޭނާ ވިދާޅުވި އެވެ
ކޮއްކޮގެ ދިފާއުގައި ނަޝީދު ރޭ ކުރެއްވި ޓްވީޓާ ގުޅިގެން ވަރަށް ގިނަ ބައެއްގެ ފާޑުކިޔުންތައް އަމާޒުވެފައިވެ އެވެ. އަދި އިނގިރޭސި ބަހުން އެ ޓްވީޓްކުރެއްވީ އެއްޖިންސުން ގުޅުން ހިންގުމަކީ އިންސާނީ ހައްގެއް ކަމަށް ވަކާލާތުކުރާ ފަރާތްތަކުގެ ސަޕޯޓް ހޯދަން ކަމަށް އިދިކޮޅު ބައެއް މީހުން ބުނެފައިވެ އެވެ.
ހީކުރީ 'ކުޑަކެކުރި ބޮޑުކެކުރި' ޒަމާން ނިމިއްޖެކަމަށް. އިނގިރޭސިން ޓުވީޓުކުރެއްވީ 2 މަޤުޞަދެއްގަ. އެއްޖިންސުން ގުޅުންހިންގުމަކީ އިންސާނީ ހައްޤެއްކަމަށް ވަކާލާތުކުރާ ފަރާތްތަކުގެ ސަޕޯޓު ހޯދުން. ދީނީ ޢިލްމުވެރިންނަކީ އެކްސްޓުރީމިސްޓުންކަމަށް ބޭރުދުނިޔެއަށް ބުނެދޭން މަސައްކަތްކުރުން. https://t.co/tTdbY0Pw5c
— Ahmed Shiyam (@Shiyamaldives) July 28, 2022
ބަންގަލްދޭޝްގެ އެމްޑީ އަލަމްގީރް، 25، އާ އެކީ އެއްޖިންސުން ގުޅުން ހިންގި މައްސަލާގައި ރޭ ނާޒިމް ހައްޔަރުކުރީ "ފިލަން" ރިސޯޓަކަށް ގޮސް އުޅެނިކޮށް، ކޯޓް އަމުރެއްގެ ދަށުންނެވެ. އޭނަ އަކީ މިހާރު ފެންމަތިވެފައި އޮތް އެއްޖިންސުން ގުޅުން ހިންގުމުގެ ބޮޑު މައްސަލަގަނޑު ހިލުނު އިރު، އަލަމްގީރާ އެކީ ގުޅުން ހިންގި މީހުންގެ ތެރެއިން އެންމެ ފުރަތަމަ ވީޑިއޯ އާންމުވި މީހާ އެވެ.