ކުރީގެ ރައީސް އަބްދުﷲ ޔާމީނަށް ރިޔާސީ ޓިކެޓް ހަވާލުކުރާ ޖަލްސާ ބާއްވާނީ "ހަވާލޭ ވަތަން" ގެ ނަމުގައި ކަމަށް ޕީޕީއެމް/ޕީއެންސީ ކޯލިޝަނުން ބުނެފި އެވެ.
މި މަހުގެ 19 ވަނަ ދުވަހުގެ ރޭ މި ޖަލްސާ ބާއްވަން ހަމަޖެހިފައި ވަނީ ކާނިވާ ސަރަހައްދުގައި ރޭގަނޑު 8:30 ގަ އެވެ. އިދިކޮޅު ކޯލިޝަން ބުނީ ކުލަގަދަ ޖަލްސާއެއް ބާއްވަން މަސައްކަތްކުރަމުން އަންނަ ކަމަށާއި މި ޖަލްސާގައި އަތޮޅު ތެރެއިން ބައިވެރިވާން ބޭނުންވާ ޕީޕީއެމާއި ޕީއެންސީގެ ހުރިހާ މެމްބަރުންނަށް ވެސް އެ ފުރުސަތު އެބަ އޮތް ކަމަށެވެ.
”ހަވާލޭ ވަޠަން"
19 އޮގަސްޓް 2022 ވާ ހުކުރު ދުވަހުގެ ރޭ 08:30 ގައި#HavaaleyWathan #RY2023 pic.twitter.com/qk5XDSvqBW— Progressive Party of Maldives (@ProgressPartyMV) August 4, 2022
އިއްޔެ ބޭއްވި ނޫސްވެރިންގެ ބައްދަލުވުމެއްގައި އެ ކޯލިޝަނުން ބުނީ ޖަލްސާގެ ހާއްސަ ދައުވަތުގެ އެ ޖަލްސާގެ ކޯލް ސެންޓަރުން ޕާޓީގެ ސްޓިއަރިން ކޮމިޓީގެ މެންބަރުންނަށާއި ކައުންސިލް މެންބަރުން އަދި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ މެންބަރުންނަށް ފޮނޮވުމުގެ ކަންކަން ކުރަމުން ގެންދާ ކަމަށެވެ.
އަންނަ އަހަރު ބާއްވާ ރިޔާސީ އިންތިހާބުގައި ވާދަކުރަން ޕީޕީއެމް/ޕީއެންސީ ކޯލިޝަންގެ ރައީސް ޔާމީނަށް ދޭން ނިންމީ ޕްރައިމަރީއަކާ ނުލައި ދެ ޕާޓީގެ ސެނެޓް މެމްބަރުންގެ އިއްތިފާގުންނެވެ.