ފަލަސްތީންގެ ޓެރަރިސްޓުންނާ ދެކޮޅަށް ކަމަށް ބުނެ އިޒްރޭލުން މިފަހުން ދޭންފަށާފައިވާ ހަމަލާތަކުގައި މިހާތަނަށް 32 މީހުން ޝަހީދުކޮށްލާފައިވާ ކަމަށް ފަލަސްތީންގެ ހެލްތް މިނިސްޓްރީން ބުނެފިއެވެ.
އިޒްރޭލުން ފަލަސްތީނަށް ރޮކެޓް ހަމަލާތައް އަނެއްކާވެސް ދޭން ފަށާފައިވަނީ މިދިޔަ ހުކުރު ދުވަހުއެވެ. ފަލަސްތީންގެ ޓެރަރިސްޓުންނާ ދެކޮޅަށް ކަމަށް ބުނެ އިޒްރޭލުން ހަމަލާތައް ދޭން ފެށިއިރު، 20 މީހަކު ހައްޔަރު ކޮށްފައިވާ ކަމަށް އިޒްރޭލުގެ އޮފިޝަލުންނާ ހަވާލާދީ ބޭރު މީޑިއާތަކުން ރިޕޯޓް ކޮށްފައިވެއެވެ.
Pictured are just some of the israeli regime's military targets says @AbujomaaGaza – never a truer statement made #GazaUnderAttack pic.twitter.com/wuj1n6XZj4
— Sarah Wilkinson (@swilkinsonbc) August 6, 2022
ހުކުރު ދުވަހުން ފެށިގެން މިހާތަނަށް އިޒްރޭލުން ދިން ހަމަލާތަކުގައި ހަ ކުޑަކުދިންވެސް ޝަހީދުކޮށްލާފައިވެއެވެ. ޖުމުލަ 32 މީހުން މިހާތަނަށް މި ހަމަލާތަކުގައި ޝަހީދުކޮށްލާފައިވާ ކަމަށް ފަލަސްތީންގެ ހެލްތް މިނިސްޓްރީއާ ހަވާލާދީ ބޭރު މީޑިއާތަކުން ރިޕޯޓް ކޮށްފައިވެއެވެ. އިޒްރޭލްގެ ހަމަލާތަކުގައި މިހާތަނަށް 215 މީހުން ޒަހަމް ކޮށްލާފައިވާ ކަމަށްވެސް ރިޕޯޓް ކޮށްފައިވެއެވެ.
އިޒްރޭލުގެ ހަމަލާތަކުގައި ފަލަސްތީންގެ ކުޑަކުދިން މަރުވެފައިވާ ވާހަކަ އިޒްރޭލުން ދޮގުކުރެއެވެ. އިޒްރޭލުން ބުނެފައިވަނީ ފަލަސްތީންގެ ކުޑަ ކުދިން މަރުވެފައިވަނީ ފަލަސްތީންގެ ޓެރަރިސްޓުން އިޒްރޭލަށް ފޮނުވާ ރޮކެޓްތައް ފަލަސްތީނަށް ވެއްޓިގެން ކަމަށެވެ.
Israelis are using 'bunker buster' bombs designed to sale through any hardened surface deep underground #GazaUnderAttack @intel_savvy pic.twitter.com/6GrslXDNnn
— Sarah Wilkinson (@swilkinsonbc) August 6, 2022
މިފަހުން އިޒްރޭލުން ވަނީ ފަލަސްތީންގެ ނޫސްވެރިއަކަށް ބަޑިން ހަމަލާދީ މަރާވެސް ލާފައެވެ. އެކަން ދޮގުކޮށް އިޒްރޭލުނެ ބުނެފައިވަނީ ނޫސްވެރިޔާ މަރުވެފައިވަނީ ފަލަސްތީންގެ ހަނގުރާމަވެރިން ދިން ހަމަލާއެއްގައި ކަމަށެވެ. އެހެންނަމަވެސް އ.ދ.ގެ ކަމާބެހޭ ޕެނަލަކުން މައްސަލަ ބެލުމަށްފަހު ބުނެފައިވަނީ ނޫސްވެރިޔާ މަރުވެފައިވަނީ އިޒްރޭލުން ދިން ހަމަލާއެއްގައި ކަމަށެވެ.
ފަލަސްތީންގެ ބިންތަކަށް ވެރިވެގަނެގެން އުޅޭ އިޒްރޭލުން، ފަލަސްތީނުގެ ރައްޔިތުންނާ ދެކޮޅަށް މިފަދަ ހަމަލާތައް ދެއެވެ.