ކުރިއަށް އޮތް ފަސް އަހަރަށް ވެމްކޯގެ ބިޒްނެސް ޕްލޭން ހަދައި ދޭނެ ބަޔަކު ހޯދަން އެ ކުންފުނިން އިއުލާންކުރުމާ ގުޅިގެން އެކަން ހިލޭ ކޮށް ދެވިދާނެ ކަމަށް އެސްޓީއޯގެ މެނޭޖިން ޑިރެކްޓަރު ހުސައިން އަމްރު ވިދާޅުވެއްޖެ އެވެ.
އޭނާ އެގޮތަށް ވިދާޅުވީ ވެމްކޯގެ ބިޒްނެސް ޕްލޭނާ ބެހޭ ގޮތުން ނޫހެއްގައި ގެނެސްދިން އާޓިކަލެއް ލިންކްކުރައްވައި ކުރެއްވި ޓްވީޓެއްގަ އެވެ.
We can do it for them for free. https://t.co/EWpDGpULve
— Amr 🎈 (@HusenAmr) August 6, 2022
ރާއްޖޭގައި މިހާރު އެންމެ ފުޅާކޮށް ކުނި މެނޭޖްކުރުމުގެ މަސައްކަތްކުރަމުން އަންނަ ސަރުކާރުގެ ކުންފުނި، ވެމްކޯގެ 2023-2027 ގެ ބިޒްނެސް ޕްލޭން ހަދައިދޭނެ ބަޔަކު ހޯދަން އިއުލާންކޮށް އެކަމަށް ޕްރޮޕޯޒަލް ހުށަހެޅުމުގެ ފުރުސަތު މި މަހުގެ 11 އާ ހަމައަށް ވަނީ ހުޅުވާލައިފަ އެވެ.
ވެމްކޯ އިން ބުނި ގޮތުގައި ކުރިއަށް އޮތް ފަސް އަހަރަށް ބިޒްނަސް ޕްލޭނެއް ހެދުމުގެ މަގުސަދަކީ ކުންފުނީގެ ހިންގުން ހަރުދަނާކޮށް، ކުނި މެނޭޖުކުރުމުގެ ހިދުމަތް އެންމެ ފުރިހަމައަށް ދިނުމެވެ.