ބޮޑެތިކުށްތަކަށް އޮތް ހައްލަކީ އިސްލާމީ ޝަރީއަތް ޤާއިމުކުރުން ކަމަށް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
ޝިޔާމް ކުރެއްވި ޓްވީޓެއްގައި ވިދާޅުވީ ބޮޑެތިކުށްތައް އާއްމުވަނީ ޤާނޫނު ނެތިގެން ނުވަތަ ޤާނޫނު ހަރުކަށި ނުވެގެނެއް ނޫން ކަމަށެވެ.
ބޮޑެތި ކުށްތައް އާންމު ވަނީ ވެރިންގެ އިޚުލާސްތެރިކަން ނެތުމުން ކަމަށް ޝިޔާމް ވިދާޅުވިއެވެ.
"ތަޙުޤީގީ އިދާރާތަކުން ފެށިގެން މުޅިނިޒާމުވަނީ ކޮރަޕްޓުވެފައި. ހޯދާ ހެއްކާ، ހެކި ހޯދާގޮތާ ޗެއިން އޮފް ކަސްޓަޑީ ދުވަހަކު ފުރިހަމަނުވޭ." ޝިޔާމް ވިދާޅުވިއެވެ.
ޝިޔާމް ވިދާޅުވީ މިކަމަށް އޮތް ހައްލަކީ އިސްލާމީ ޝަރީއަތް ޤާއިމުކުރުން ކަމަށެވެ.
ބޮޑެތިކުށްތައް އާއްމުވަނީ ޤާނޫނު ނެތިގެން ޤާނޫނު ހަރުކަށި ނުވެގެނެއްނޫން. ނެތީ ވެރިންގެ އިޚުލާސްތެރިކަން. ތަޙުޤީގީ އިދާރާތަކުން ފެށިގެން މުޅިނިޒާމުވަނީ ކޮރަޕްޓުވެފައި. ހޯދާ ހެއްކާ، ހެކި ހޯދާގޮތާ ޗެއިން އޮފް ކަސްޓަޑީ ދުވަހަކު ފުރިހަމަނުވޭ. ހައްލަކީ އިސްލާމީ ޝަރީޢަތް ޤާއިމުކުރުން.
— Ahmed Shiyam (@Shiyamaldives) August 9, 2022
މިފަހުން މާލޭގައި އަނިޔާވެރިގޮތަކަށް މަރާލާފައިއޮތް އަންހެނެއް ފެނުމުން އެކަމުގައި ހަރުކަށި އަދަބުދިނުމަށް ގޮވާލާ ގިނަ ބަޔަކު އަންނަނީ ސޯޝަލް މީޑިއާގައި އަޑުއުފުލަމުންނެވެ.