ގިނަ ބަޔަކު މިހާރު ދިރިއުޅެމުން އަންނަ ހުޅުމާލޭ ފޭސް ދޭއްގެ ހިޔާ ފްލެޓް ސަރަހައްދުގައި "ހުޅުމާލެ އެކްޓިވިޓީ ސެންޓަރު" ގެ ނަމުގައި ޔޫތު ސެންޓަރެއް ހަދައިފި އެވެ.
އެ ފްލެޓްތަކުގައި އުޅޭ ޒުވާނުންނަށް ހާއްސަކޮށްގެން ހެދި ޔޫތު ސެންޓަރު ހުންނަނީ ހިޔާ ޓަވަރު 10 ގަ އެވެ. މިއީ ޔޫތު މިނިސްޓްރީ އާއި އެޗްޑީސީ ގުޅިގެން ހަދާފައިވާ ތަނެކެވެ. އެތަނުގައި ދެ ޖިންސްގެ ޒުވާނުންގެ އިތުރުން ކުޑަކުދިންނާއި އަދި އެހެން މީހުންނަށް ވެސް ތަފާތު އެކި އިންޑޯ ކުޅިވަރުތައް ކުޅެވޭނެ އިންތިޒާމު ހަމަޖައްސާފައިވެ އެވެ.
Great news alert!
Youth Center at tower H10 will be open to public from Monday night this week. @MoYSCEmvThis makes it easy for Hiya residents to freely have fun and hangout within the neighborhood.#MyHulhumalé#MageyHiya pic.twitter.com/UuDRup2x43
— My Hulhumalè (@MyHulhumalemv) August 14, 2022
އެގޮތުން ޓޭބަލް ޓޮޕް ފުޓުބޯޅަ އާއި ޓޭބަލް ޓެނިހާއި ކެރަމް ފަދަ ކުޅިވަރުތައ ކުޅެވޭނެ ވަސީލަތްތައް ބަހައްޓާފައިވެ އެވެ.
ހިޔާ ފްލެޓް ސަރަހައްދުގައި ހެދި ޔޫތު ސެންޓަރު ހުޅުވަން މިރޭ ހާއްސަ ރަސްމިއްޔާތެއް ބާއްވަން ވަނީ ނިންމައިފަ އެވެ. އެ އިވެންޓް އޮންނާނީ މިރޭ 8:15 ގަ އެވެ. އޭގެ ފަހުން މި ރެއިން ފެށިގެން އެތަން އާންމުންނަށް ބޭނުން ކުރެވޭނެ އެވެ.