އައްޑޫސިޓީގެ ޓޫރިޒަމް ޒޯނުތަކުގައި ގެސްޓްހައުސް އަދި ޓޫރިސްޓް ހޮޓާ ތަރައްޤީ ކުރުމަށް ކަނޑައެޅިފައިވާ ކުލީ ބިންތައް ކާމިޔާބުކުރި ފަރާތްތަކާއެކު އެއްބަސްވުމުގައި މިއަދު ސޮއިކޮށްފި އެވެ.
އައްޑޫ ސިޓީ ކައުންސިލްގައި ބޭއްވި ރަސްމިއްޔާތުގައި ހަވާލުކޮށްފައިވަނީ 23 ބިމެކެވެ. އެއީ ހިތަދޫ ޒޯންއިން 6 ބިން، ފޭދޫ ޒޯންއިން 2 ބިން އަދި ހުޅުދޫ ޒޯންއިން 8 ބިމަކާއި މީދޫ ޓޫރިޒަމް ޒޯނުން 7 ބިމެކެވެ.
މިއަދު ހަވާލުވި ބިންތަކުގެ ތަފްސީލެއް ކައުންސިލުން ހާމަކޮށްފައެއް ނުވެ އެވެ.
އައްޑޫން މީގެކުރިން ވަނީ ޓޫރިޒަމަށް 3000 އަކަފޫޓުގެ 5 ބިން، 5000 އަކަފޫޓުގެ އެއް ބިން އަދި 2400 އަކަފޫޓުގެ ދެ ބިން ދޫކޮށްފަ އެވެ.