ތިލަމާލެ ބްރިޖްއަޅާ ޕްލެޓްފޯމެއް ފަރަށް އަރާ ބަޔަކަށް އަނިޔާވެއްޖެއެވެ.
ފުލުހުން ބުނެފައިވަނީ ތިލަމާލެ ބްރިޖް އެޅުމަށް ބޭނުންކުރާ ޕްލެޓްފޯމެއް ފަރަށް އަރާފައިވާކަމަށް ވިލިމާލެ ފުލުހުންނަށް 14:25 ހާއިރު ފާހަގަކުރެވިގެން ފުލުހުން އެޓެންޑް ވެފައިވާ ކަމަށެވެ.
ފުލުހުން ބުނެފައިވަނީ މިހާދިސާގައި ތިން މީހަކަށް އަނިޔާވެގެން ވިލިމާލެ ހޮސްޕިޓަލަށް ގެންގޮސްފައިވާ ކަމަށެވެ. އެއްވެސް މީހަކަށް ބޮޑުއަނިޔާއެއް ލިބިފައިވާ ކަމުގެ މައުލޫމާތެއް ލިބިފައި ނުވާ ކަމަށްވެސް ފުލުހުން ބުނެފައިވެއެވެ.
މިހާދިސާއާ ގުޅިގެން އިތުރަށް ބަލަންޖެހޭ ކަންކަން ބަލަމުން އަންނަ ކަމަށްވެސް ފުލުހުން ބުނެފައިވެއެވެ.