ކުރީގެ ރައީސް އަބްދުﷲ ޔާމީނަށް ރަސްމީކޮށް ރިޔާސީ ޓިކެޓް ހަވާލުކުރަން ބާއްވާ ހާއްސަ ޖަލްސާ އަށް ޕީޕީއެމް ތައްޔާރުވެއްޖެ އެވެ.
"ހަވާލޭ ވަތަން" ގެ ނަމުގައި ބާއްވާ ޖަލްސާ އޮންނާނީ ކާނިވާ ސަރަހައްދުގަ އެވެ. ޖަލްސާ ފަށާނީ މިރޭ 8:30 ގަ އެވެ.
ޔާމީނަށް ޕީޕީއެމާއި ޕީއެންސީގެ ރިޔާސީ ޓިކެޓް ދޭން ދެ ޕާޓީގެ ކައުންސިލުން ނިންމައު އެކަން އިއުލާންކުރީ މިދިޔަ މަހުގެ 31 ވަނަ ދުވަހުގެ ރޭގަ އެވެ. އަދި އެކަން ޔާމީން ގަބޫލުކުރައްވާފައިވެ އެވެ.
”ހަވާލޭ ވަޠަން"
19 އޮގަސްޓް 2022 ވާ ހުކުރު ދުވަހުގެ ރޭ 20:30 ގައި#RY2023 #HavaaleyWathan pic.twitter.com/cxmQx2OBmm— Progressive Party of Maldives (@ProgressPartyMV) August 18, 2022
އެހެންވެ މިރޭ ބާއްވާ ޖަލްސާގެ އެންމެ ހާއްސަ ކަމަކީ ވެސް އަންނަ އަހަރު ބާއްވާ ރިޔާސީ އިންތިހާބުގައި ވާދަކުރައްވަން ޔާމީނަށް ރަސްމީކޮށް ރިޔާސީ ޓިކެޓް ހަވާލުކުރުމެވެ. މި ޖަލްސާގައި ޔާމީންގެ އިތުރުން ޕީޕީއެމާއި ޕީއެންސީގެ އިސް ބޭފުޅުންތަކެއް ވާހަކަ ދައްކަވާނެ އެވެ.
"ހަވާލޭ ވަތަން" ޖަލްސާ ބާއްވަނީ ދެ ޕާޓީގެ ސްޓިއަރިން ކޮމިޓީގެ މެންބަރުންނަށާއި ކައުންސިލް މެންބަރުންގެ އިތުރުން އަންހެނުންގެ ތަރައްގީ އަށް މަސައްކަތްކުރާ ކޮމިޓީތަކުގެ މެންބަރުންނަށް ވެސް ދައުވަތު ދީގެންނެވެ.