ރައީސް އިބްރާހިމް މުހައްމަދު ސޯލިހް އައްޑޫސިޓީއަށް ވެލައްވާފައިވާ ވައުދުތައް ފުއްދަވާނެކަމުގެ ޔަގީންކަން އެބައޮތް ކަމަށް އައްޑޫސިޓީގެ މޭޔަރު އަލީ ނިޒާރު ވިދާޅުވެއްޖެއެވެ.
ނިޒާރު މިފަދައިން ވިދާޅުވެފައިވަނީ އެމްޑީޕީގެ ކޮންގްރެސްގެ ތެރެއިން ރައީސް ސޯލިހާއެކު ނަންގަވާފައިވާ ފޮޓޯއަކާއެކު ކުރައްވާފައިވާ ޓްވީޓެއްގައެވެ.
އެގޮތުން ނިޒާރު ވިދާޅުވެފައިވަނީ، ރައީސް ސޯލިހަށް ދެވަނަ ދައުރެއް އެރުވުމަށް ބަދަހިކޮށް އަދި ގަދަކޮށް މަސައްކަތް ކުރައްވާނެ ކަމަށެވެ. އަދި ރައީސް ސޯލިހް އައްޑޫސިޓީއަށް ވެވަޑައިގެންނެވި ވައުދުތައް ފުއްދަވައިދެއްވާނެކަމުގެ ފުރިހަމަ ޔަގީންކަން އެބައޮތްކަމަށްވެސް ވިދާޅުވިއެވެ.
Addu City ge Rayyithun nah Raees @ibusolih ve vadaigennevi Waudhu thah Allah ge Iraadha fulhaai eku 100% fudhavai dhevvane kamuge yageen kan alhugadu men nah eba oi. Raees ah 2 vana dhaurei aruvan badhahi koh gadha koh alhugandu men masakkai kuraanan. @shuaau22 @ansar_moosa pic.twitter.com/Fbi6IiR9uN
— Ali Nizar (@DhekunuNizar) August 21, 2022
ރައީސް ސޯލިހްގެ ސަރުކާރުން އައްޑޫސިޓީ ތަރައްގީ ކުރުމަށް ބޮޑެތި ވައުދުތަކެއް ވެފައިވެއެވެ. އޭގެތެރެއިން މަގު ހެދުމާއި ފެން ހިންދުމުގެ ނިޒާމް ގާއިމްކުރުމުގެ މަސައްކަތް ފާހަގަކުރެވެއެވެ.