ރޭ މެންދަމު ސިނަމާލެ ބްރިޖް ހައިވޭ މަތީގައި ފުލުހުންގެ ކާރެއް ފުރޮޅާލައި، ގެއްލުންތަކެއްވެއްޖެ އެވެ.
ފުލުހުން ބުނީ ހައިވޭގައި ދުއްވި ޕޮލިސް ކާރެއް ފުރޮޅާލިކަމުގެ ރިޕޯޓް ލިބުނީ މެންދަމު 3:00 ޖަހަން އުޅެނިކޮށް ކަމަށެވެ. އެ ހާދިސާ ހިނގި އިރު ކާރުގައި ތިން މީހަކު ތިބި ކަމަށާއި އެ މީހުންނަށް ލިބުނު ޒަހަމްތަކަށް ފަރުވާދޭން ހުޅުމާލޭ ހޮސްޕިޓަލަށް ގެންދިޔަ ކަމަށް ވެސް ފުލުހުން ބުންޏެވެ. އަދި ތިން މީހުންނަށް ވެސް ފަރުވާދިނުމަށް ފަހު މިހާރު ދޫކޮށްލާފައިވާ ކަމަށް ފުލުހުން ބުންޏެވެ.
🚨#Breaking: 03:15 haa iru Bridge highway mathee Dhivehi Fuluhun ge hidhumathuge executive beynun thakah gengulhemun dhaa Car eh furolhaalai nurakkatheri accident eh hin'gaifi
Ithuru mauloomaathu: https://t.co/WRzMzCWKVC pic.twitter.com/g0KgrS0Rp4
— #MvCrisis (@MvCrisis) August 21, 2022
ނަމަވެސް ކާރު ފުރޮޅާލަން ހާދިސާއާ ބެހޭ އިތުރު ތަފުސީލެއް ފުލުހުން ނުދެ އެވެ. އެކަމަކު މިކަން އިތުރަށް ތަހުގީގުކުރަމުން އަންނަ ކަމަށް ބުންޏެވެ.