މަރުވެފައިވާ މީހަކު، ފުލުހުން ބަލަމުން އަންނަ މައްސަލައެއްގެ ތަހުގީގަށް ހޯދަން އިއުލާނު ކުރުމުން ފާޑުކިޔުން އަމާޒުވެއްޖެއެވެ.
ފުލުހުން ހޯދަން އިއުލާނުކުރީ ޖުލައި 27، 2020 ގައި ފުލުހަށް ހުށަހެޅި މައްސަލައަކާ ގުޅިގެން ތަހުގީގަށް ހާޒިރުކުރަން ބޭނުންވާ މީހަކު ހޯދުމަށެވެ.
ފުލުހުންގެ ތަހުގީގަށް ހާޒިރުވާން ހޯދަން އިއުލާނުކޮށްފައިވަނީ އދ. ދަނގެތި، ޝައުކަތުﷲ އަލީއެވެ. އޭނާ ނިޔާވެފައިވަނީ މިދިޔަ އަހަރުގެ ޖޫން މަހުގެ 19 ވަނަ ދުވަހުއެވެ.
ފުލުހުން އެމީހާ ހޯދުމަށް އިއުލާނު ކުރުމާ ގުޅިގެން ގިނަ ބަޔަކު އަންނަނީ ސޯޝަލްމީޑިއާގައި ފުލުހުންނަށް ފާޑުކިޔަމުންނެވެ.
27 ޖުލައި 2020 ގައި ހުށައެޅި މައްސަލައެއް ތަޙްގީގު ކުރަން ހޯދަން އިއުލާން ކުރީ މިއަދު. އެވެސް އެމީހާ މަރުވެ އަހަރަކަށްވުރެ ގިނަދުވަސް ފަހުން.
މިހާވަރަށް ފުލުހުންގެ ޙިދުމަތް ފުޅާކުރީމަ ބުނާނެއެއްޗެއްވެސް ނޭނގިފަ މިހުރީ 🥺🥺@M_Hameedh @ShimranAb @PoliceMv pic.twitter.com/WfOmpJdPEY— TᕼOᖇEY (@thoreyx) August 28, 2022
ފުލުހުން މިހާރު ވަނީ އެ މީހާ ހޯދުމަށް ކޮށްފައިވާ އިއުލާން ނަގާފައެވެ.
ފުލުހުންގެ ތަހުގީގުތަކަށް ހޯދުމަށް ބޭނުންވާ މީހުންގެ ވަނަވަރު އާންމު ކުރުމަކީ ފުލުހުން އާންމުކޮށް ކުރަމުން އަންނަ ކަމެކެވެ.