މަސްވެރިކަމާ ބެހޭ އާ ގަވައިދާ ގުޅިގެން މަސްވެރިންގެ ކަންބޮޑުވުން އެބަހުރި ކަމަށް ވިލިނގިލީ ދާއިރާގެ މެމްބަރު ސައުދު ހުސައިން ވިދާޅުވެއްޖެއެވެ.
ސައުދު ކުރެއްވި ޓްވީޓެއްގައި ވިދާޅުވީ މަސްވެރިކަމާ ބެހޭ އާ ގަވައިދު އާންމު ކުރުމުން، މަސްވެރިންނާއި ކެޔޮޅުން އަދި އޮޑިވެރިންގެ ކަންބޮޑުވުންތައް ލިބެމުން ދާ ކަމަށެވެ.
މި ކަންބޮޑުވުންތަކަށް ހައްލު ގެނައުމަށް ސަރުކާރާ ގުޅުގެން މަސައްކަތް ކުރަމުން ގެންދާ ކަމަށް ސައުދު ވިދާޅުވިއެވެ. އަދި މަސްވެރިކަމުގައި ދިވެހި ޒުވާނުންގެ ބައިވެރިވުން އިތުރު ކުރުމަށް ހާއްސަ އަހައްމިޔަތެއް ދޭންޖެހޭ ކަމަށްވެސް ވިދާޅުވިއެވެ.
Zamāny mas Dhoani faharuga masverikan kurumuga bidheysēn ithuruvamun dhiumaky v bodu kanboduvvumeh! & hama ehgothah dhoani faharuga masverikan kurumah Dhivehin nulibi, dhoani fahaharu mahah nufuri dhaa dhiumaky enmen ekama funkoh visnā avas hallu hoadhan jehey gaumy issue eh. 2/2
— Saud Hussain MP (@SaudVillingili) September 4, 2022
"ޒަމާނީ މަސްދޯނިފަހަރުގައި މަސްވެރިކަން ކުރުމުގައި ބިދޭސީން އިތުރުވަމުން ދިއުމަކީ ވަރަށް ބޮޑު ކަންބޮޑުވުމެއް." ސައުދުގެ ޓްވީޓްގައިވެއެވެ.
ސައުދު ވިދާޅުވީ ދޯނިފަހަރުގައި މަސްވެރިކަން ކުރުމަށް ދިވެހިން ނުލިބި، ދޯނިފަހަރު މަހަށް ނުފުރި ދާދިއުމަކީ އެންމެން އެކަމަށް ފުންކޮށް ވިސްނާ އަވަސް ހައްލު ހޯދަންޖެހޭ ގައުމީ މައްސަލައެއް ކަމަށެވެ.