މީހަކު އަޅާ ހެދުމާ ގުޅިގެން ފުރައްސާކުރުން ބަލައި ނުގަނެވޭނެ ކަމަށާއި، އެފަދަ މައްސަލަތައް ހައްލުކުރަން އިސްކަމެއް ދޭނެ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
މިނިސްޓަރު އިމްރާން ކުރެއްވި ޓްވީޓެއްގައި ވިދާޅުވީ، ހެދުން އަޅާ ގޮތާގުޅިގެން ފުރައްސާރަ ކުރުމަކި ބަލައިގަނެވޭނެ ކަމެއް ނޫން ކަމަށެވެ.
"ވަކިން ހާއްސަކޮށް އިސްލާމީ މުޖުތަމައުއެއްގައި ނިޤާބްވެގެން ތިބޭ އަންހެނުންނަށް ފުރައްސާރަކޮށް ގަޔަށް އަތްލުމަކީ އަޅާނުލާ ދޫކޮށްލެވޭނެ ކަމެއް ނޫން." މިނިސްޓަރު އިމްރާންގެ ޓްވީޓްގައިވެއެވެ.
އިމްރާން ވިދާޅުވީ މިފަދަ މައްސަލަތައް ހައްލުކުރުމަށް ހާއްސަ އިސްކަމެއް ދެއްވާނެ ކަމަށެވެ.
Alhaafa hunna hedhumaa gulhuvaagen furassaarakurumakee balaiganeveyne kamehnoon. Vakin khaassakoh islami mujuthamauehgai niqabvegen thibey anhenunnah furassaarakoh gayah aylumakee alhaanulaa dhookolleveyne kamehnoon. Mifadha massalathah hallukurumah khaassa iskameh dheynan IA.
— Imran Abdulla (@ShimranAb) September 7, 2022
އިމްރާން މިފަދައިން ވިދާޅުވެފައި މިވަނީ މޫނު ބުރުގާ އަޅައިގެން ދިޔަ އަންހެނަކަށް މާލޭގެ މަޖީދީ މަގުން ރޭ ފޮށުނު މައްސަލައެއް ފެންމަތިވެ އެކަމުގައި ގިނަ ބަޔަކު ނުރުން ފާޅުކުރަމުންދާ ދަނޑިވަޅެއްގައެވެ.
A disturbing thing happened to me tonight
While I came home, a guy harassed me in Majeedheemagu! He shouted at my ear saying “EY NINJA” and pulled my Niqab a bit!!! Enough is Enough!!!!— مسافرة🐪 (@travelingto____) September 6, 2022