މިހާރުގެ ރައިސް އިބްރާހީމް މުހައްމަދު ސޯލިހާއި އެ މަނިކުފާނެ ވެރިކަން ރަސޫލާގެ ޒަމާނާ "އެއްފަދަ ކުރައްވައި" ހޯމް މިނިސްޓަރު ޝެއިހް އިމްރާން އަބްދުﷲ ދެއްކެވި ވާހަކަތަކަކާ ގުޅިގެން އޭނާ ތައުބާވާން ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ގޮވާލައްވައިފި އެވެ.
ލ. ގަމުގައި ކުރިއަށްދާ "ވިޔަވަތި ކޮންފަރެންސް" ގައި އިމްރާން އިއްޔެ ދެއްކެވި ވާހަކަތަކަކާ ގުޅިގެން ޖަމީލު މިއަދު ކުރެއްވި ޓްވީޓެއްގައި ވިދާޅުވީ ކީރިތި ރަސޫލާ އަކީ އަޝްރަފުލް މަޚްލޫޤާތު ކަމަަށާއި ބަނގުރަލުގެ ހުކުމް އައިސްފައިތިބި އަދި ދީނުގެ ބޮޑެތި ކުށްތަކުގެ ތުހުމަތު ކުރެވޭ މީހުންނާއި އެކަލޭނގެފާނާ މުޤާރަނާކުރުން އުޅުމަކީ ކުފުރުގެ ޢަމަލެއް ކަމަށެވެ.
"ޢިމްރާން ރައްޔިތުން ކުރިމަތީ ތައުބާވާން ގޮވާލަން." އޭނާ ވިދާޅުވި އެވެ.
ޤުރުއާނާއި ރަސޫލާގެ ސުންނަތަށް އިޝާރާތް ކުރައްވައި އިމްރާން ވިދާޅުވި ގޮތުގައި ހެޔޮ ވެރިކަމެއްގެ އެންމެ މުހިއްމު އެއް ސިފަ އަކީ މަޝްވަރާކުރުން ކަމަށްވެފައި ރައީސް ސޯލިހާއި އެ މަނިކުފާނުގެ ސަރުކާރަކީ އެފަދަ ސަރުކާރެއް ކަމަށެވެ.
.@ShimranAb dhekkevi vaahaka thah alhugadu aduahaalaifin.Heyo verikameh gai hunnan jehey sifathah keerithi Quran ge enme Aayatheh gai bayaan kuravvaafaivaa kamah vidhaalhuve Soorathu Al Imran ge 159 vana Aayaiy gennevi.Vidhaalhuvee mi Aayathugai mivaa fadhain R @ibusolih mashvara
— Dr.Mohamed Iyaz (@dr_iyaz) September 11, 2022
އިމްރާން ދެއްކެވި ވާހަކަތަކާ ގުޅިގެން ވަަރަށް ގިނަ ބައެއްގެ ފާޑުކިޔުންތަކެއް އަމާޒުވި ނަމަވެސް އޭނަގެ ޕާޓީ އަދާލަތަށް ނިސްބަތްވެވަޑައިގަންނަވާ ޑރ. އިޔާޒް އިމްރާންގެ ވާހަކަ ދިފާއު ކުރައްވާފައިވެ އެވެ.