ކްރިމިނަލް ކޯޓުގެ ރެޖިސްޓްރަރގެ މަގާމަށް ކުރިމަތިލުމަށް ހުޅުވާލައިފިއެވެ.
ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަނުން ކޮށްފައިވާ އިއުލާނުގައި ބުނެފައިވަނީ މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2022 ސެޕްޓެންބަރު 22 ވާ ބުރާސްފަތި ދުވަހުގެ 13:30 ގެ ކުރިން، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް ކަމަށެވެ. ވަޒީފާއަށް އެދޭ ފޯމާއި ލިޔުންތައް އީ-މެއިލް . މެދުވެރިކޮށް ވެސް ބަލައިގަނެވޭނެ ކަމަށް އިއުލާނުގައި ބުނެފައިވެއެވެ.
ރަޖިސްޓްރަރގެ މަގާމަށް އަސާސީ މުސާރައިގެ ގޮތުގައި -/13400 ރުފިޔާ ލިބެއެވެ. އަދި ޖުޑީޝަލް އެލަވަންސްގެ ގޮތުގައި -/7370 ރުފިޔާ، ސަރވިސް އެލަވަންސްގެ ގޮތުގައި -/3000 ރުފިޔާ، ލިވިންގ އެލަވަންސްގެ ގޮތުގައި -/2700 ރުފިޔާ، ކަނޑައެޅިފައިވާ އުސޫލުން އިތުރުގަޑީގެ ފައިސާ އަދި ދިވެހިރާއްޖޭގެ ޕެންޝަނާ ބެހޭ ޤާނޫނުގެ ދަށުން ލިބިދެވޭ ޕެންޝަން ފައިސާ ލިބެއެވެ.