މިއަހަރުގެ ޤައުމީ ދުވަހުގެ ރަސްމީ ޖަލްސާ އުތީމުގައި ބޭއްވުމަށް ނިންމައިފިއެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު މިއަދު ބޭއްވެވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ވިދާޅުވީ، މިއަހަރުގެ ޤައުމީ ދުވަހުގެ ރަސްމީ ޖަލްސާ އުތީމުގައި ބޭއްވުމަށް ސަރުކާރުން ނިންމަވާފައިވާ ކަމަށެވެ.
އުތީމުގައި ބާއްވާ ޖަލްސާ އޮންނާނީ މިމަހުގެ 27 ވަނަ ދުވަހުއެވެ.
މީގެއިތުރުން ގައުމީ އިނާމު ދިނުމުގެ ޖަލްސާ މާލޭގައި ބާއްވާނެ ކަމަށާއި، އެ ޖަލްސާ އޮންނާނީ އޮކްޓޫބަރު މަހުގެ ތެރޭގައި ކަމަށް ވިދާޅުވިއެވެ.