ޕާޓީ އަށް މެމްބަރުން އިތުރުކުރުމަށް އަދާލަތު ޕާޓީން އަތޮޅުތަކަށް ކުރާ ދަތުރުތަކުގެ ތެރެއިން މި ހަފުތާ ބަންދު ވެސް ޕާޓީ އިސްވެރިން ހަތަރު އަތޮޅެއްގައި ހަރަކާތްތެރިވަމުން އެބަދެ އެވެ.
އެގޮތުން ގްޕޫރްތަކަކަށް ބަހާލައިގެން އިއްޔެ އާއި މިއަދު ކުރާ ދަތުރުގައި ޕާޓީގެ ޓީމްތައް ހަރަކާތްތެރި ވަނީ ހދ. މަކުނުދު އާއި ދ. ކުޑަހުވަދު އާއި ނ. މާޅެންދު އާއި އެ އަތޮޅު ކުޑަފަރި އާއި ހއ. ދިއްދޫގެ އިތުރުން އެ އަތޮޅު އުތީމުގަ އެވެ.
#APRahthakah silsilaage therein mihafthaage dhathuruthah: Ha.Utheem, Ha.Dhidhdhoo, Hdh.Vaikaradhoo, Hdh.Makunudhoo, N.Kudafaree, N. Maalhendhoo adhi Dh.Kudahuvadhoo ah. Mi dhathuruthakugai Membership Drive ge masakkathaai dheenee adhi ijthimaaee eki harakaiy kuriah dhaane eve. pic.twitter.com/AHYFBjK4wU
— Adhaalath Party (@AdhaalathOffice) September 16, 2022
މި ދަތުރުތަކުގައި ޕާޓީ އަށް މެމްބަރުން އިތުރުކުރުމާއި ރަށްރަށުގެ ގޮފިތައް ހަރުދަނާކުރަން މަޝްވަރާތައް ކުރުމުގެ އިތުރަށް ދީނީ ހާއްސަ ދަރުސްތައް ދިނުން ވެސް ކުރިއަށް ގެންދެ އެވެ.
އަދާލަތު ޕާޓީން ބުނެފައިވާ ގޮތުގައި މިހާރުގެ އެންމެ ބޮޑު އެއް އަމާޒަކީ އަންނަ އަހަރުގެ ރިޔާސީ އިންތިހާބާ ހަމައަށް ދާންވާ އިރަށް ޕާޓީގެ މެމްބަރުންގެ އަދަދު 25،000 އަށް އިތުރުކުރުމެވެ. އެ ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ ވިދާޅުވެފައިވާ ގޮތުގައި އެ ޕާޓީން 2033 ގައި ރާއްޖޭގެ ވެރިކަމަށް ވެސް އަންނާނެ އެވެ.