ސަރުކާރަށް ފާޑުވިދާޅުވެ ކުރީގެ ފޮރިން މިނިސްޓަރު ދުންޔާ މައުމޫން ދެއްކެވި ވާހަކަތަކަށް އައްޑޫމީދޫ ދާއިރާގެ މެންބަރު ރޮޒައިނާ އާދަމް (ރޮޒޭ) ރައްދު ދެއްވައިފިއެވެ.
ސަރުކާރަށް ފާޑުވިދާޅުވެ ދުންޔާ ވާހަކަ ދައްކަވާފައިވަނީ އެމްއެންޕީގެ ކޮންގްރެސް ފެށުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
ދުންޔާގެ ވާހަކަތަކަށް ރައްދުދެއްވާ ކުރެއްވި ޓްވީޓެއްގައި ރޮޒޭ ވަނީ، "ތިވަރަށް ދޮގުހަދަން ލަދެއް ނުގަނޭތޯ" ސުވާލު ކޮށްފައެވެ.
ރޮޒޭ ވިދާޅުވީ، ދުންޔާ ފޮރިން މިނިސްޓަރުގެ މަގާމުގައި ހުންނެވިއިރު، މުޅި ދުނިޔެއާ ރާއްޖެ ގުޅުން ކަނޑުވާލި ކަމަށާއި، އަދި ބޭރު ދުނިޔޭގައިވެސް ރާއްޖޭގެ އަގު ވެއްޓިފައި އޮތް ކަމަށެވެ. އަދި މިއަދު މުޅި ދުނިޔެ ރާއްޖެއަށް ތައުރީފު ކުރަމުން އަންނަ ކަމަށްވެސް ރޮޒައިނާ ވިދާޅުވިއެވެ.
Dhunya thivarah dhoguhadhan ladheh nuganeytho? Kamanaage foreign minister kamuga mulhidhuniye aa gulhun kandaalaa mulhi beyru dhuniyeyga raajjeyge agu vettifa othy. Miadhu mulhidhuniye raajje ah thaureef ebakurey. Ur sister is making the difference that u couldn’t & in this govt.
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) September 23, 2022
ރޭ ފެށި އެމްއެންޕީގެ ކޮންގްރެސްގައި ވާހަކަދައްކަމުން ދުންޔާ ވިދާޅުވީ މިދިޔަ ތިން އަހަރު ފެނިގެން ދިޔައީ ހިންގުމުގެ ތަޖުރިބާއެއް، ވައްޓަފާޅިއެއް އަދި ގާބިލުކަމެއް މި ސަރުކާރުގައި ނެތްކަން ކަމަށެވެ.ދިވެހި ރައްޔިތުން މިވަނީ މިއިން ދުވަހަކު ނުވާ ވަރަށް ފަގީރުވެފައި ކަމަށާއި އަދި ރާއްޖޭގެ އާމްދާނީން ބޮލަކަށް ޖެހޭ މިންވަރު މިހާރު ވަނީ 2015 ވަނަ އަހަރު ހުރި ވަރަށް ވެއްޓިފައި ކަމަށެވެ.