ރާއްޖެ އާއި ކަޒަކިސްތާނާ ދެމެދު ވައިގެ ދަތުރުފަތުރާ ގުޅޭ އެއްބަސްވުމެއްގައި ސޮއިކޮށްފި އެވެ.
މި އެއްބަސްވުމެއްގައި ސޮއިކުރީ ކެނެޑާގެ މޮންޓްރިއަލްގައި ކުރިއަށްދާ އައިކާއޯގެ 41 ވަނަ ޖެނެރަލް އެސެމްބްލީގެ ހަވާސާގަ އެވެ.
ރާއްޖޭގެ ފަރާތުން އެއްބަސްވުމުގައި ސޮއިކުރެއްވީ ޓްރާންސްޕޯޓް މިނިސްޓަރު ޢާއިޝަތު ނަހުލާ އެވެ. ކަޒަކިސްތާންގެ ފަރާތުން ސޮއިކުރެއްވީ އެ ގައުމުގެ ޓްރާންސްޕޯޓް އެންޑް އިންފްރާސްޓްރަކްޗަލް ޑިވެލޮޕްމަންޓްގެ ސިވިލް އޭވިއޭޝަން ކޮމިޓީގެ ޗެއާމަން ތަލްގަތު ލަސްޓާޔެވް އެވެ.
On behalf of Maldives, Minister @aishath_nahula signed the MoU between Maldives and Kazakhstan to permit and facilitate scheduled air services between the two countries. The MoU also enables operation of code-share services by the designated airlines of each party. 🇲🇻 – 🇰🇿 pic.twitter.com/4M30PeQuvy
— Ministry of Transport and Civil Aviation (@MoTCAmv) October 3, 2022
ޓްރާންސްޕޯޓް މިނިސްޓްރީން ބުނީ މިފަދަ އެއްބަސްވުމެއްގައި ސޮއިކުރީ ދެ ގައުމުގެ ދެމެދުގައި ވައިގެ ދަތުރުފަތުރުތައް ފެށުމަށާއި ވައިގެ ދަތުރުފަތުރުގެ ދާއިރާއިން ގުޅުން ބަދަހިކޮށް އެއްބާރުލުން ހޯދުމަށް ކަމަށެވެ. މިފަަދަ އެއްބަސްވުމެއްގައި ސޮއިކުރި އިރުޔ ކަޒަކިސްތާނަށް ދަތުރުކުރަން ބޭނުންވާ ދިވެހިންނަށް މިދިޔަ މަހުގެ 14 އިން ފެށިގެން އެ ގައުމުން އަންނަނީ މަސް ދުވަހުގެ އޮންއެރައިވަލް ވިސާ ވެސް ދޫކުރަމުންނެވެ.