ދަރިވަރުންނަށް ޓީޗަރުން ދައްކާ ނަމޫނާ އެ ކުދިންގެ ހަޔާތުގައި ތާއަބަދަށް ހަރުލާފައި ހުންނާނެ ކަމަށް ރައީސް އިބްރާހީމް މުހައްމަދު ސޯލިހު ވިދާޅުވެއްޖެ އެވެ.
މިއަދު ފާހަގަކުރަމުން އަންނަ ޓީޗަރުންގެ ދުވަހާ ގުޅިގެން ޓީޗަރުންނަށް ތަހުނިޔާ ފޮނުއްވައި ރައީސް ކުރެއްވި ޓްވީޓެއްގައި ވިދާޅުވީ ޓީޗަރުން ދަރިވަރުން ބިނާކުރަން ކުރަނީ ވަރަށް އަގުހުރި ހިދުމަތެއް ކަމަށާއި މިއީ ކުދިންގެ ކުރިމަގު ބައްޓަންކޮށް ދޭން ކުރާ ވަރަށް ބުރަ މަސައްކަތެއް ކަމަށެވެ.
The positive impression that teachers leave on us is permanent. We owe so much to their selfless hard work- to educate our children, to guide and prepare them for life. On #TeachersDay2022 I convey my gratitude and deep appreciation to teachers across Maldives.
— Ibrahim Mohamed Solih (@ibusolih) October 5, 2022
މި އަހަރުގެ ޓީޗަރުންގެ ދުވަސް ފާހަގަކުރަމުން އަންނަ އިރު، މި އަހަރުގެ ކިރީކޮޅު ސަރުކާރުން ވަނީ ޓީޗަރުންގެ މުސާރަ ވެސް ބޮޑުކޮށްފަ އެވެ.
މި އަހަރު ޓީޗަރުންގެ ދުވަހުގެ ޝިއާރަކީ "ދަ ޓްރާންސްފޮމޭޝަން އޮފް އެޑިއުކޭޝަން ބިގިންސް ވިތު ޓީޗާ" އެވެ.