ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ރަންވޭ މިއަދު ބޭނުންކުރަން ފަށައިފި އެވެ.
އެތަން ބޭނުންކުރަން މިއަދު ރަސްމީކޮށް ފެށުމުގެ ގޮތުން ބޭއްވި ރަސްމިއްޔާތު ޝަރަފުވެރިކޮށް ދެއްވީ ނައިބު ރައީސް ފައިސަލް ނަސީމެވެ. އާ ރަންވޭ އަށް މިއަދު އެންމެ ފުރަތަމަ ޖެއްސީ އެމިރޭޓްސް އެއާލައިންގެ ފްލައިޓެކެވެ. އެ ފްލައިޓް ޖެއްސީ ހެނދުނު 7:20 ގަ އެވެ.
— The President's Office (@presidencymv) October 6, 2022
ވީއައިއޭއޭގެ ރަންވޭ އަކީ ކުރީގެ އަބްދުﷲ ޔާމީންގެ ވެރިކަމުގައި ހިންގި މަޝްރޫއެކެވެ. އެގޮތުން ޗައިނާގެ އެގްޒިމް ބޭންކްގެ ލޯނެއްގެ ދަށުން އާ ރަންވޭ ހެދީ އެ ގައުމުގެ ބެއިޖިން އާބަން ކޮންސްޓްރަކްޝަން ގުރޫޕް (ބީޔޫސީޖީ) އިންނެވެ. ސަރުކާރުން 2015 ގައި ކުންފުންޏާ އެ މަޝްރޫއު ހަވާލުކުރީ 452 މިލިއަން ޑޮލަރަށެވެ. އާ ރަންވޭގެ ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުރެ އެވެ.
Vice President @faisalnasym officially inaugurates the new runway developed in @velanaairport. The new Code F runway measures 3,400m by 65m, and features advanced navigational technologies and will increase runway throughput. pic.twitter.com/WokVOqYLFP
— The President's Office (@presidencymv) October 6, 2022
އެ ރަންވޭ އަށް އެންމެ ބޮޑެތި ބޯޓުތައް ކަމަށްޗާ އޭ380 ގެ ބޯޓުތަކަށް ޖެއްސޭނެ އެވެ. ރަންވޭ މިއަދު ބޭނުން ކުރަން ފެށުމާ އެކު ވެލާނާ އިންޓަނޭޝަނަލް އެއާޕޯޓަށް ގަޑިއެއްގެ އިރުގެ ތެރޭގައި ޖައްސައި އަދި ފުރާ ފުލައިޓްތަކުގެ އަދަދު 8 އިން 20 އަށް ވުރެ މަތިވާނެ އެވެ. އަދި ބޯޓު ޖެއްސުމަށް ފަހު ރަންވޭ ހުސްކުރުމަށް ހޭދަވާ 10 ވަރަކަށް މިނެޓް 2 މިނިޓަށް ކުރުވެ، ފްލައިޓް ޑިލޭވުމަށް ވެސް ހައްލެއް ލިބިގެން ދާނެ އެވެ.
Vice President @faisalnasym officially inaugurates the "Noovilu" Seaplane Terminal developed in @velanaairport. It features dedicated arrival lobbies, common and exclusive lounges, and will be the new home for the world’s largest seaplane fleet. pic.twitter.com/iTEULO8jpN
— The President's Office (@presidencymv) October 6, 2022
ވީއައިއޭގެ އާ ރަންވޭ ބޭނުންކުރަން ފެށުމާ އެކީ ކުރިން ބޭނުން ކުރަމުން އައި ރަންވޭ ދެން ބޭނުންކުރާނީ ޓެކްސީވޭއެއްގެ ގޮތުގަ އެވެ.
އާ ރަންވޭއާ އެކީ މިއަދު ވަނީ "ނޫވިލު" ގެ ނަމުގައި ހެދި އާ ސީ ޕްލޭން ޓާމިނަލް ވެސް ހުޅުވައި ބޭނުންކުރަން ފަށައިފަ އެވެ.