އަންނަ މަހު ފަށާ މި އަހަރުގެ ވޯލްޑް ކަޕްގެ މެޗްތައް މީޑިއާ ނެޓް މެދުވެރިކޮށް ދިވެހި ޗެނަލުން ގެނެސްދޭ ގޮތަށް ހަމަޖައްސައިފި އެވެ.
އެގޮތުން ރާއްޖެ ޓީވީ އާއި އައިސް ޕްލަސް އިން ވޯލްޑް ކަޕްގެ މެޗްތައް ލައިވްކުރާނެ އެވެ. އެ ދެ ޗެނެލާ އެކީ މިކަމުގެ އެއްބަސްވުމުގައި މީޑިއާ ނެޓުން ވަނީ ސޮއި ވެސް ކޮށްފަ އެވެ.
މިއީ ރާއްޖެ ސަރަހައްދަށް ދިވެހި ޗެނަލްތަކަކުން ވޯލްޑް ކަޕް ދެއްކުމުގެ ހުއްދަ ލިބުނު ފުރަތަމަ ފަހަރެވެ. ރާއްޖެ ޓީވީ އާއި އައިސް ޕްލަސްއާ އެކީ މުބާރާތުގެ މެޗްތައް ގެނެސްދޭން ސޮއިކޮށް މީޑިއާ ނެޓުން މިހާރު ވަނީ ސްޕޮންސަރުންނަށް ވެސް ފުރުސަތު ހުޅުވާލައިފަ އެވެ.
ROAD TO QATAR STARTS HERE. 🌍🏆
We are excited to bring the global showpiece to our viewers. ⚽️Watch the action Live on ICE PLUS & RAAJJE TV.#medianetmv#qatar22 pic.twitter.com/FXCHujaede
— Medianetmv (@Medianetmv) October 5, 2022
ގަތަރުގައި ބާއްވާ ވޯލްޑް ކަޕް ފަށަން ހަމަޖެހިފައި ވަނީ އަންނަ މަހުގެ 20 ގަ އެވެ. މުބާރާތް ކުރިއަށް ދާނީ ޑިސެމްބަރު 18 އާ ހަމައަށެވެ.
ވޯލްޑް ކަޕްގެ މެޗްތައް ބެލުމަކީ އަބަދު ވެސް ރާއްޖޭގެ ހުރިހާ ހިސާބެއްގައި ވަރަށް ފޯރިގަދަ ކަމެކެވެ. އެގޮތުން ގިނަ ބަޔަކު އެއްތަންވެގެން މެޗްތައް ބެލުމަށް ރާއްޖޭގެ އެކި ސަރަހައްދުތަކުގައި ބޮޑު ސްކްރީނުން ބަހައްޓައިގެން މެޗްތައް ބެލުމުގެ ފޯރި ވަދރަށް ގަދަ އެވެ. މި ފަހަރު ވެސް އެފަދަ އިންތިޒާމުތަކެއް އެކި ރަށްރަށުގައި އަންނަނީ ހަމަޖައްސަމުންނެވެ.