އިންޑިއާގެ ނުފޫޒު ގަދަ ސިޔާސީ ލީޑަރެއް ކަމަށްވާ މުލާޔަމް ސިންގް ޔާދަވް މިއަދު އަވާހަރަވެއްޖެ އެވެ.
ސަމާދުވާޖީ ޕާޓީގެ ލީޑަރު އަދ އަދި އުއްތަރު ޕްރަދޭޝްގެ ކުރީގެ ޗީފް މިނިސްޓަރު 82 އަހަރުގައި އަވަހާރަވީ ވެރިރަށް، ނިއު ދިއްލީއާ ކައިރީ ހިސާބެއްގެ ޕްރައިވެޓް ހޮސްޕިޓަލެއްގައި އެޑްމިޓްކޮށް ފަރުވާ ދެމުން ދަނިކޮށެވެ. މުލާޔަމްގެ ދަރިކަލުން އަދި ސިޔާސީ ޝަހުސިއްޔަތު އަކިލޭޝް ޔާދަވް މިއަދު ވިދާޅުވީ ބައްޕަ އަވަހާރަވީ ހޮސްޕިޓަލްގައި އެޑްމިޓްކޮށް ފަރުވާ ދެނިކޮށް ހާލަތު އިތުރަށް ގޯސްވެ ވެންޓިލޭޓަރުގައި ފަރުވާ ދެނުން ދަނިކޮށް ކަމަށެވެ.
މުލާޔަމަލް އަވަހާރަވުމާ ގުޅިގެން އިންޑިއާގެ ސިޔާސީ ދާއިރާގެ ވަރަށް ގިނަ ބަޔަކު މިހާރު އަންނަނީ ހިތާމަ ފާޅުކޮށް އާއިލާ އަށް ތައުޒީޔާ ފޮނުވަމުންނެވެ.
I had many interactions with Mulayam Singh Yadav Ji when we served as Chief Ministers of our respective states. The close association continued and I always looked forward to hearing his views. His demise pains me. Condolences to his family and lakhs of supporters. Om Shanti. pic.twitter.com/eWbJYoNfzU
— Narendra Modi (@narendramodi) October 10, 2022
އިންޑިއާގެ ބޮޑުވަޒީރު ނަރެންދުރަ މޯދީ ކުރެއްވި ޓްވީޓެއްގައި ވިދާޅުވީ މުލާޔަމް ޗީފް މިނިސްޓަރެއްގެ މަގާމުގައި ހުންނެވި ދުވަސްވަރު ވަރަށް ގިނަ ފަހަރުމަތިން އޭނާއާ ބައްދަލުވެވަޑައިގަތް ކަމަށާއި މުލާޔަމް ވަކިވެ ދިއުމަކީ ލިބިވަޑައިގަތް ވަރަށް ފުން ހިތާމައެއް ކަމަށެވެ.
ޑިފެންސް މިނިސްޓަރުކަން ވެސް ކުރައްވާފައިވާ މުލާޔަމް އަކީ އިންޑިއާގެ ގާނޫނު ހަދާ މަޖިލީހުގެ ތިރިގެ، ލޯކް ސަބާގެ މެމްބަރުކަން ވެސް ކުރެއްވި ބޭފުޅެކެވެ.