ޗައިނާގައި ބާއްވަން އޮއްވައި ކޮވިޑާ ހެދި އެ ގައުމުން ނުބާއްވަން ނިންމި އަންނަ އަހަރުގެ އޭޝިއަން ކަޕް ގަތަރުގައި ބާއްވަން ނިންމައިފި އެވެ.
އެ ގައުމަކީ މި އަހަރުގެ ވޯލްޑް ކަޕް ވެސް ބާއްވާ ގައުމެވެ. ގަތަރުގައި އެ މުބާރާތް ފަށަން ހަމަޖެހިފައި ވަނީ އަންނަ މަހުގެ 20 ގަ އެވެ. އަންނަ އަހަރުގެ އޭޝިއަން ކަޕް ވެސް އެ ގައުމުގައި ބާއްވަން ނިންމާފައި ވަނީ ޗައިނާ އިން ފުރުސަަތު ދޫކޮށްލުމުން މުބާރާތް ދެން ބާއްވަން ޝައުގުވެރިވާ ގައުމުތަކަށް ފުރުސަތު ހުޅުވައިލުމުން ޖުލައި މަހުގެ ތެރޭގައި ހަތަރު ގައުމުން ޝައުގުވެރިކަން ފާޅުކޮށްފައި ވަނިކޮށެވެ.
✨ 𝐎𝐅𝐅𝐈𝐂𝐈𝐀𝐋 ✨
♦️ AFC Executive Committee confirms 🇶🇦 Qatar as #AsianCup2023 host!
♦️ 🇮🇳 India and 🇸🇦 Saudi Arabia shortlisted for #AsianCup2027
READ: https://t.co/5g4kjwNruD pic.twitter.com/79lfuZn5SW
— #AsianCup2023 (@afcasiancup) October 17, 2022
އޭގެ ތެރޭގައި ހިމެނެނީ ގަތަރާއި އޮސްޓްރޭލިއާ އާއި ކޮރެއާގެ އިތުރުން އިންޑޮނީޝިއާ އެވެ.
ވޯލްޑް ކަޕް ގޮތަށް ކޮންމެ ހަތަރު އަހަރަކުން ބާއްވާ އޭޝިއަން ކަޕްގެ އަންނަ އަހަރުގެ މުބާރާތް ގަތަރުގައި ބާއްވަން ނިންމުމަށް ފަހު، 2027 ގެ މުބާރާތަށް މިހާރު ވަނީ އިންޑިއާ އާއި ސައުދީ އަރަބިއްޔާ ޝޯޓްލިސްޓްކޮށްގަ އެވެ.
އެންމެ ފަހުން 2019 ގައި ބޭއްވި އޭޝިއަން ކަޕްގެ ޗެމްޕިއަނަކީ ގަތަރެވެ. އެ މުބާރާތް އޮތީ ޔޫއޭއީގަ އެވެ.