ރާއްޖޭގެ މިހާރުގެ ރައީސް އިބްރާހީމް މުހައްމަދު ސޯލިހު ވެރިކަން ކުރައްވާ ގޮތަށް ޕާޓޭއަކު ވެސް ވެރިކަންކޮށްފާނެ ކަމަށް ވިދާޅުވެ ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ރައީސަށް ފާޑު ވިދާޅުވެއްޖެ އެވެ.
އޭނަ މިއަދު ކުރެއްވި ޓްވީޓެއްގައި ވިދާޅުވީ މިދާ ގޮތުން ރާއްޖެ އަށް ވެރިޔަކު ނުދޭ ވަރުގެ ގެއްލުމެއް ރައީސް ސޯލިހު ދެއްވާނެ ކަމަށެވެ.
މިދާ ގޮތުން @ibusolih ވެރިޔަކު ނުދޭވަރުގެ ގެއްލުން ދޭނެ. ކުންފުނިތައް ބަނގުރޫޓްވެއްޖެ. ޚަރަދު އަދިވެސް މައްޗަށް. މަޤާމްތައް އިތުރުވަނީ. މަޖިލިސް ދިނީ ވަޢުދު ފުއްދަން. ރައްޔިތުންނަށް ތަކްލީފް ކުރާކަށްނޫން. ރ. ޞާލިޙް ގޮތަށް މަގުމަތީގައި އުޅޭ ޕާޓޭއަކުވެސް ވެރިކަން ކުރާނެ. pic.twitter.com/t4jb0iPBiM
— Mohamed Jameel Ahmed (@MJameelAhmed) October 19, 2022
"ކުންފުނިތައް ބަނގުރޫޓްވެއްޖެ. ޚަރަދު އަދިވެސް މައްޗަށް. މަގާމުތައް އިތުރު ވަނީ. މަޖިލިސް ދިނީ ވަޢުދު ފުއްދަން. ރައްޔިތުންނަށް ތަކުލީފު ކުރާކަށް ނޫން،" ޖަމީލު ވިދާޅުވި އެވެ. "ރައީސް ސޯލިހު ގޮތަށް މަގުމަތީގައި އުޅޭ ޕާޓޭ އަކު ވެސް ވެރިކަން ކުރާނެ."
ޖަމީލަކީ މި ސަރުކާރާއި ރައީސް ސޯލިހަށް ތަކުރާރުކޮށް ވަރަށް ބޮޑަށް ފާޑު ވިދާޅުވެ، ބަހުގެ ހަމަލާތައް ދެއްވަމުން ގެންދަވާ ބޭފުޅެކެވެ.