ހިތްވަރު ދިނުމުގެ ޤައުމީ އިނާމު ޝައިހް އިލްޔާސް ހުސެއިނަށް ލިބިވަޑައިގެންފި އެވެ.
ޝައިހް އިލްޔާސަށް ހިތްވަރު ދިނުމުގެ ގައުމީ އިނާމު ލިބިވަޑައިގެންނެވީ އިސްލާމްދީނަށް ހޭލުންތެރިކަން އިތުރުކުރުމާއި، ދީނަށް ޚިދުމަތްކުރުމާއި، ދީނީ ޢިލްމު އުނގަންނައިދިނުމުގެ ދާއިރާއިން؛ ދީނީ ރޮނގުން ޚިދުމަތްކުރުމާއި، ހޭލުންތެރިކަން އިތުރުކުރުމުގެ ރޮނގުންނެވެ.
ހިތްވަރު ދިނުމުގެ ގައުމީ އިނާމް ޝައިހް އިލްޔާސަށް ހަވާލުކޮށްދެއްވީ ރައީސް އިބްރާހިމް މުހައްމަދު ސޯލިހެވެ.
އައްޑޫ ސިޓީ ހިތަދޫ އަށް ނިސްބަތްވެވަޑައިގަންނަވާ ޝައިހް އިލްޔާސަކީ ރާއްޖޭގައި ދީނީ ތައުލީމް އުނގަންނައިދިނުމާއި ހާއްސަކޮށް ދީނީ ތަގުރީރުތައް ލިޔުއްވުމުގައި ވަރަށް މަގުބޫލު ބޭފުޅެކެވެ.
އެގޮތުން ރާއްޖޭގެ އެކި ކަންކޮޅުތަކަށް ޒިޔާރަތް ކުރައްވާ ދީނީ ތަގުރީރުތައް ދެއްވުމުގެ އެކި ޕްރޮގްރާމްތައް އިލްޔާސް ކުރިއަށް ގެންދަވާފައިވާއިރު އަދި ދިވެހި މުޖުތަމައުގައި އިސްލާމްދީނުގެ ވަހުދަތު ދަމަހައްޓަވައި، އިސްލާމީ އުސޫލުތައް ނަގަހައްޓައި، އިސްލާމީ ތައުލީމަށް ހޭލުންތެރިކަން އިތުރުކުރުމަށްޓަކާ އެކި ފެންވަރުގައި ތަފާތު މަސައްކަތްތައް ކުރިއަށް ގެންދަވާފައިވެ އެވެ.
ޝައިހް އިލްޔާސް ވަނީ އެކިއެކި ޓީވީ ޗެނަލްތަކުން ފޮނުވާ ދީނީ ޕްރޮގްރާމްތައް ހުށަހަޅުއްވައި ދެއްވުމުގައި ހިލޭ ސާބަހަށް މަސައްކަތްކޮށްދެއްވާފަ އެވެ. އަދި ދީނީ ތަގުރީރުތައް ވެސް އިލްޔާސް ދެއްވަމުން ގެންދަވަނީ ހިލޭ ސާބަހަށެވެ.