ޖަޕާންގެ މަޝްހޫރު ފޯވާޑް މަސާޓޯ ކޫޑޯ މަރުވެއްޖެ އެވެ.
މީޑިއާތަކުން ބުނީ އެ ގައުމުގެ ޓެގަވަޖާރޯ މިޔަޒާކީ އަށް ނިސްބަތްވާ 32 އަހަރުގެ ކުޅުންތެރިޔާ މަރުވީ މިދިޔަ ހުކުރު ދުވަހު ކަމަށެވެ. މަސާޓޯ މަރުވީ ސިކުނޑީގެ އޮޕަރޭޝަނެއްކޮށްފައި ވަނިކޮށް ދިމާވި ކޮމްޕްލިކޭޝަންތަކަކާ ގުޅިގެން ވެއްޓި، މި މަހުގެ 3 ގައި ހޮސްޕިޓަލްގައި އެޑްމިޓްކޮށް ފަރުވާ ދެމުން ދަނިކޮށެވެ.
Along with the entire Japanese football community, we mourn the passing of Masato Kudo and wish to express our most heartfelt condolences to his family and friends. pic.twitter.com/H1IQmogF2v
— J.LEAGUE Official EN (@J_League_En) October 22, 2022
އޭނަގެ މަރާ ގުޅިގެން ޖަޕާންގެ ފުޓްބޯޅަ ކޮމިއުނިޓީން މިހާރު އަންނަނީ ހިތާމަ ފާޅުކުރަމުންނެވެ. މިކަމާ ގުޅިގެން ޖަޕަނީސް ޕްރޮފެޝަނަލް ފުޓްބޯލް ލީގް އިން ބުނީ މަސާޓޯގެ ވަކިވުމަކީ މުޅި ކުޅިވަރު ކޮމިއުނިޓީ އަށް ލިބުނު ދެރައެއް ކަމަށާއި މިއީ ޖަޕާނުގެ ފުޓްބޯޅަ އަށް ވެސް ލިބުނު ވަރަށް ފުން ހިތާމައެއް ކަމަށެވެ.
ޓޯކިއޯ އަށް މަސާޓޯ މަރުވުމާ ގުޅިގެން ކުރިން އޭނަ ކުޅުނު އޮސްޓްރޭލިއާގެ ޓީމެއް ކަމަށްވާ ބްރިސްބޭން ރޯރް އިން ވެސް ހިތާމަފާޅުކޮށްފައިވެ އެވެ. އެ ޓީމަށް އޭނަ ކުޅުނު 2020-2021 އަށެވެ.
Forever in our hearts 🧡🖤 pic.twitter.com/eS4N6KR0vV
— Brisbane Roar FC (@brisbaneroar) October 22, 2022
ކާމިޔާބު ފުޓްބޯޅަ ކެރިއަރެއް ބިނާކުރި މަސާޓޯ އެންމެ ފުރަތަމަ ގައުމީ ފެންވަރުގައި ކުޅުނީ 2010 ގެ އޭޝިއަން ގޭމްސްގަ އެވެ. އޭރު އޭނަ ހިމެނުނީ 21 އަހަރުން ދަށުގެ ޓީމްގަ އެވެ. އޭގެ ފަހުން މަސާޓޯ ގައުމީ ސީނިއާ ޓީމާ ގުޅުނީ 2013 ގަ އެވެ.
އޭނަގެ ކެރިއަރުގައި ޖުމްލަ 320 މެޗެއް ކުޅެ، 106 ގޯލު ޖަހާފައިވެ އެވެ.