ދުނިޔޭގެ އެންމެ ބޮޑު މަހުޖަނު އީލޮން މަސްކް ޓްވިޓާ ބައްލަވައިގެންފި އެވެ.
މީޑިއާތަކުން ބުނީ އޭނާ އެންމެ މުއާމަލާތް ނިންމަވާލެއްވީ 44 ބިލިއަން ޑޮލަރަށް ކަމަށެވެ. އަދި އެކަމާ ގުޅުވައިގެން އީލޮން ކުރެއްވި ޓްވީޓެއްގައި ޓްވިޓާ ޒަމްޒުކޮށްދޭ ދޫންޏާ ގުޅުވައިގެން ވިދާޅުވީ "ދޫނި މިހާރު މިނިވަންވެއްޖެ" ކަމަށެވެ.
the bird is freed
— Elon Musk (@elonmusk) October 28, 2022
އީލޮން ޓްވިޓާ ބައްލަވައިގެންފައި މި ވަނީ މި އަހަރުގެ ކުރީކޮޅު އެކަން އިއުލާންކުރެއްވުމަށް ފަހުން، ޓްވިޓާ ބައްލަވައިގަތުން ހުއްޓަވާލެއްވުމަށް ފަހު އެވެ. އެކަމާ ގުޅިގެން ޓްވިޓާ އިން ކޯޓަށް ވެސް ދިޔަ އެވެ.
Dear Twitter Advertisers pic.twitter.com/GMwHmInPAS
— Elon Musk (@elonmusk) October 27, 2022
މީޑިއާތަކުން ބުނި ގޮތުގައި ޓްވިޓާގެ މުއާމަލާތް މިހާރު ރަސްމީކޮށް ނިންމަވާލެއްވުމަށް ފަހު، އީލޮން ވަނީ ޓްވިޓާގެ ސީއީއޯގެ މަގާމާ މި އަހަރު ހަވާލުވެވަޑައިގަރް ޕަރާގް އަގަރްވާލްގެ އިތުރުން ކުންފުނީގެ އިސް އެގްޒެކެޓިވުންތަކެއް ވެސް މަގާމުން ވަކިކުރައްވައިފަ އެެވެ. އޭގެ ތެރޭގައި ޗީފް ފައިނޭންޝަލް އޮފިސަރު ނެދު ސެގަލް އާއި ޕޮލިސީ އެގްޒެކްޓިވް ވިޖާޔާ ގަޑޭ ހިމެނެ އެވެ.
ޓްވިޓާ އަކީ ސޯޝަލް މީޑިއާ ޕްލެޓްފޯމްތަކުގެ ތެރެއިން އެންމެ މަގުބޫލު އެކައްޗެވެ. އެ ބައްލަވައިގަތް އީލޮން، 51، ގެ މިލްކިއްޔާތު 219.6 ބިލިއަން ޑޮލަރަށް އަރަ އެވެ.