މި އަހަރުގެ މިހާތަނަށް ރާއްޖެ އައި ޓޫރިސްޓުންގެ އަދަދު މިދިޔަ އަހަރު އައި ޖުމުލަ އަދަދަށް ވުރެ އިތުރުވެއްޖެ އެވެ.
ޓޫރިޒަމް މިނިސްޓަރު އަބްދުﷲ މައުސޫމް ވިދާޅުވީ އިއްޔެ ނިޔަލަށް 1،317،573 އަށް ވުރެ ގިނަ ފަތުރުވެރިން ޒިޔާރަތްކޮށްފައިވާ ކަމަށެވެ. މިދިޔަ އަހަރު ނިމުނު އިރު ރާއްޖެ އައީ 1.32 މިލިއަން ފަތުރުވެރިންނެވެ.
Tourist Arrivals to #Maldives as of 27 Oct this year surpassed total arrivals for Year 2021, (1,321,937 tourists). Thanks to the support & engagement of all.
Congratulations to Tourism Industry Investors, Employees, Other Stakeholders, and Lovely People of Maldives.— Abdulla Mausoom (@Mausoom_Maus) October 28, 2022
މިއަހަރުގެ މިހާތަނަށް އެންމެ ގިނައިން ޓޫރިސްޓުން އައިސްފައިވާ ގައުމަކީ އިންޑިއާއެވެ. އެ ގައުމުން 186،388 މީހުން އައިސްފައިވެ އެވެ. ދެވަނަ އަށް އެންމެ ގިނައިން މީހުން އައިސްފައިވަނީ ރަޝިޔާ އިންނެވެ. އެ ގައުމުން 159،657 މީހުން އައިސްފައިވެ އެވެ.
ރާއްޖޭގެ 166 ރިސޯޓެއް އޮޕަރޭޓްކުރާއިރު، ރިސޯޓްތަކުގައި ޓޫރިސްޓުންނަށް ހިދުމަތް ދިނުމަށް 40،389 އެނދު ދަނީ އޮޕަރޭޓްކުރަމުންނެވެ. މިހާތަނަށް 872 ހޮޓަލަކާއި ގެސްޓްހައުސް އެއް އަދި 157 ސަފާރީއެއްގައި 2900 އެނދު ދަނީ އޮޕަރޭޓްކުރަމުންނެވެ.