މިދިޔަ މަހުގެ ތެރޭގައި އެކަނި ވެސް ރާއްޖެ އަށް ދޮޅުލައްކަ އަށް ވުރެ ގިނަ ޓޫރިސްޓުން ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީން ބުނެފި އެވެ.
އެ މިނިސްޓްރީން ބުނީ ރާއްޖޭގެ ޓޫރިޒަމަށް މި އަހަރު 50 އަހަރު ވެސް ފުރި، މުޅިން އަލަށް އޮކްޓޯބަރު 3 ގައި ގައުމީ ފަތުރުވެރިންގެ ދުވަސް ވެސް ފާހަގަކޮށްފައިވާ އިރު، އެ މަހު ޒިޔާރަތްކުރި ޓޫރިސްޓުންގެ އަދަދު 153،600 އަށް ވުރެ ގިނަ ކަމަށެވެ. އަދި މިއީ ރެކޯޑެއް ކަމަށް ވެސް މިނިސްޓްރީން ބުންޏެވެ.
Congratulations #Maldives travel & tourism industry partners, employees and other stakeholders. You've made a #NewRecord. Tourist arrivals for Tourism Golden Year October is the best ever for an October with 153,600 plus tourists (+8% over 2019 & 2021 Oct). Thank You All.
— Ministry of Tourism (@MoTmv) November 1, 2022
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން ކޮވިޑް ވަބާގެ ކުރިން 2019 ވަނަ އަހަރުގެ އޮކްޓޯބަރު މަހު ރާއްޖެ އަށް ޒިޔާރަތްކުރީ 137،488 ޓޫރިސްޓުންވެ. އަދި 2020 ގެ އޮކްޓޯބަރުގައި 20،492 ޓޫރިސްޓުން ޒިޔާރަތްކުރި އިރު، މިދިޔަ އަހަރުގެ އެ މަހުގެ ތެރޭގައި ޒިޔާރަތްކުރީ 136،298 ޓޫރިސްޓުންނެވެ.
އަދި މި އަހަރުގެ އޮކްޓޯބަރު މަހު ރާއްޖެ އަށް ޓޫރިސްޓުންގެ ނިސްބަތަށް ބަލާ އިރު މިއީ ފާއިތުވި ތިން އަހަރުގެ އެ މަސްތަކުގައި ޓޫރިސްޓުން އައި ނިސްބަތަށް ބަލާއިރު 8 ޕަސެންޓްގެ ކުރިއެރުމެކެވެ.
ރާއްޖޭން މި އަހަރު 1.6 މިލިއަން ޓޫރިސްޓުންނަށް އަމާޒު ހިފާފައިވާ އިރު، އެންމެ ގިނައިން މިހާރު ޓޫރިސްޓުން އަންނަނީ އިންޑިއާއިންނެވެ. ގަދަ ތިނެއްގައި ދެން ހިމެނެނީ ރަޝިއާ އާއި އިނގިރޭސިވިލާތެވެ.