އައްޑޫގައި ހިންގަމުން އަންނަ ކެނަރީފު ރިސޯޓުން ރާ ފުޅިތަކެއް ވަގަށް ނެގި މައްސަލައެއްގައި ރިސޯޓްގެ ދެ މުވައްޒަފަކު ހައްޔަރުކޮށްފި އެވެ.
ފުލުހުން މިއަދު ބުނީ އެ ރިސޯޓުން އިއްޔެ ހުޅުމީދޫ ފުލުހުންނަށް ރިޕޯޓްކުރި މައްސަލައާ ގުޅިގެން ހިންގި އޮޕަރޭޝަނެއްގައި ރާފުޅިތައް ވަނީ ހޯދައި އެ ރިސޯޓުގެ ދެ މުވައްޒަފަކު ހައްޔަރުކޮށްފައިވާ ކަމަށެވެ. އެއީ 23 އަދި 34 އަހަރުގެ ބިދޭސީ ދެ ފިރިހެން މުވައްޒަފަކެވެ.
އެ ދެ މީހުންގެ ބަންދާ މެދު ގޮތެއް ނިންމަން ހުޅުދޫ މެޖިސްޓްރޭޓް ކޯޓަށް ހާޒިރުކުރުމުން، ބަންދަށް 15 ދުވަސް ދީފައިވެ އެވެ.
މި މައްސަލަ ހުޅުމީދޫ ޕޮލިހުން އަންނަނީ އިތުރަށް ތަހުގީގުކުރަމުންނެވެ.