މި ވަގުތު ދުނިޔޭގައި ހިންގަމުން އަންނަ ޖަނަވާރުންނަށް ހާއްސަ އެންމެ ބޮޑު ހޮސްޕިޓަލްގެ ހިންގާ ގައުމުގެ ރެކޯޑް ސައޫދީ އަރަބިއްޔާ އަށް ލިބިއްޖެ އެވެ.
އެ ގައުމުގެ ބުރަޔާދާގައި ގާއިމުކޮށްފައިވާ ސަލާމް ވެޓެރިނަރީ ހޮސްޕިޓަލަކީ އެއްފަހަރާ 4،000 ޖަނަވާރުން ބައިތިއްބައިގެން ފަރުވާ ދެވޭނެ ވަސީލަތްތަކާ އެކީ ތަރައްގީކޮށްފައިވާ ޒަމާނީ ހޮސްޕިޓަލެކެވެ. މި ތަނުގެ މަސައްކަތް ސައުދީން ފެށީ 2020 ގަ އެވެ. އޭރު ވެސް އަމާޒަކަށްވެފައި އޮތީ ޖަނަވާރުންނަށް ފަރުވާދޭ އެންމެ ބޮޑު ހޮސްޕިޓަލަށް އެތަން ހެދުމެވެ.
އެ ރެކޯޑް ސައުދީ އަށް ލިބުނުކަން ގިނިސް ވޯލްޑް ރެކޯޑުން މިހާރު ވަނީ އިއުލާން ވެސް ކޮށްފަ އެވެ.
New record: Largest veterinary hospital – @SalamVeterinary in Buraydah, Kingdom of Saudi Arabia.
The hospital can house up to 4,000 animals at once! 🐫 pic.twitter.com/GJS9oW4j1j
— Guinness World Records (@GWR) November 2, 2022
ސަލާމް ވެޓެރިނަރީ ހޮސްޕިޓަލް ހާއްސައީ ޖަމަލުތަކަށެވެ. މިތަން ހަދަން ސައުދީ ސަރުކާރުން 100 މިލިއަން ރިޔާލަށް ވުރެ ބޮޑު ހޭދައެއްކޮށްފައިވެ އެވެ.
تغطية متحف #العقيلات في #مهرجان_العقيلات_لمزاد_الإبل٢ pic.twitter.com/Y7pelyTwI5
— مجموعة سلام البيطرية (@SalamVeterinary) November 2, 2022
ސައުދީގެ އެންވަޔަރަމަންޓް މިނިސްޓްރީން ބުނި ގޮތުގައި މި ޕްރޮޖެކްޓްގެ ސަބަބުން ޖަނަވާރުންނަށް ފަރުވާ ދިނުމުގެ ހިދުމަތްދޭ ޕްރައިވެޓް ސެކްޓަރަށް ވެސް ބޮޑު ކުރިއެރުމެއް އަންނާނެކަމުގެ އުންމީދު ބޮޑެވެ. އަދި މިފަދަ ފެސިލިޓީތަކާ އެކީ ޖަނަވާރުންނަށް ދެވޭ ފަރުވާ އިތުރުވެ، އެ ދާއިރާ ފުޅާވެގެން ދާނެ އެވެ.