ރާއްޖޭގެ ނަސްރުގެ ދުވަހާ ގުޅިގެން އިއްޔެ ކުރީގެ ރައީސް އަބްދުﷲ ޔާމީން ސިއްކަ އާއިލާއާ ގުޅުވައިގެން ކުރެއްވި ޓްވީޓަށް ކުރީގެ މުހައްމަދު ނަޝިދު މިއަދު ރައްދު ދެއްވައިފި އެވެ.
ނަޝިދު ކުރެއްވި ޓްވީޓެއްގައި ވިދާޅުވީ ނޮބެވެމްބަރު 3، 1988 ގައި ރާއްޖެ އަށް ދިން އުދުވާނީ ހަމަލާއާ ސިއްކަ އަހުމަދު މަނިކާ ގުޅުވައި އޭނަގެ އަބުށް އަރައިގަތުން އެއްގޮތަކަށް ބަލައެއްނުގަނެވޭނެ ކަމަށެވެ.
"އޭނަ އިންތިހާ އަށް އަނިޔާކޮށް މަރުގެ ތުންފައްޗަމަށް ގެނެސް އޭނަގެ އަތުން ނެގި އިއުތިރާފު ބަޔާނަކީ ބޮޑު އޮޅުވާލުމެއް." ނަޝީދު ވިދާޅުވި އެވެ.
3 November ge hamalaiga Sikka Ahamed Ismail Manik ge aburah araigathun eh gothakahves balaeh nuganevey. Eyna ah inthiha ah aniyaakoh maruge thunfaiy mahchah genes eynaa athun negi iuthiraaf bayaanakee bodu olhuvaalumeh.
— Mohamed Nasheed (@MohamedNasheed) November 4, 2022
ސިއްކަ އަހުމަދު މަނިކަކީ މިހާރުގެ ރައީސް އިބްރާހީމް މުހައްމަދު ސޯލިހުގެ އަނބިކަނބަލުން ފަޒުނާ އަހުމަދުގެ ބައްޕަ އެވެ. އޭނަ އަކީ ނޮވެމްބަރު 3 ގެ ހަމަލާގެ ބައިވެރިވިކަމުގެ ކުށް ސާބިތުވެ 15 އަހަރަށް ޖަލަށް ވެސް މީހެކެވެ.
ދިވެހިންގެ ހާއިނުންތަކެއް ސްރީ ލަންކާގެ ތަމަޅަ ޓައިގަރުންގެ ބަޔަކު ގޮވައިގެން ރާއްޖޭގެ ވެރިރަށް، މާލެ އަށް އަރައިދިން ދިން ޓެރަރިސްޓް ހަމަލާގައި 19 ދިވެއްސަކު ޝަހީދު ވެސް ކުރު އެވެ. އޭގެ ތެރެެއިން އަށް މީހުންނަކީ ސިފައިންގެ ބޭކަލުންނެވެ.
The dreaded Sikka day is back again Four n 3decades in pain Four n more grenades were tossed to their gain A saviour force scorned for its gain A score less one couldn’t say Amen
— Abdulla Yameen (@prz_ymn) November 3, 2022
ރާއްޖޭގެ 34 ވަަނަ ނަސްރުގެ ދުވަސް އިއްޔެ ފާހަގަކުރި އޮރު ޔާމީން ކުރެއްވި ޓްވީޓްގައި ވިދާޅުވީ އެ ދުވަހުން އާކޮށް ދެނީ ގައުމަށް ގައްދަރުވީ ސިއްކަ "އާއިލާ" ކަމަށެވެ. ނަސްރުގެ ދުވަސް "ސިއްކަ ޑޭ" ގެ ގޮތުގައި ސިފަކުރައްވައި ޔާމީން ވިދާޅުވީ މިހާރު އަމިއްލަ ފައިދާ އާއި މަސްލަހަތަށްޓަކައި ގައުމީ ބަތަލުންގެ އަގު ވެސް ވައްޓާލާފައިވާ ކަމަށެވެ.
ރާއްޖޭގައި މި ފަހުން ގައުމީ ފެންވަރުގައި ނަސްރުގެ ދުވަސް ފާހަގަނުކުރާތީ ވެސް ސަރުކާރަށް އެތައް ބައެއްގެ ފާޑުކިޔުންތައް އަމާޒުވެފައިވެ އެވެ.