ކުރީގެ ރައީސް އަބްދުﷲ ޔާމީން މިއަދު އައްޑު އަށް ވަޑައިގަތުމާ ގުޅިގެން ގަން އެއާޕޯޓުން ހޫނު މަރުހަބާއެއް ކިޔައިފި އެވެ.
އައްޑޫގެ ހުރިހާ އަވަށަކުން ވެސް މަރުހަބާ ކިޔަން މީހުން އެއާޕޯޓަށް ޖަމާވި އެވެ. އެގޮތުން މަރުހަބާ ޖަމާވި މީހުންނާ އެކީ ގަން އެއާޕޯޓްގެ ވީއައިޕީ ޓާމިނަލްގެ ބޭރު ފެނިގެން ދިޔައީ ވަރަށް ފިޔާތޮށިކޮށެވެ. އެގޮތުން ސަލާންކުރަން ދިގު ކިއު ވެސް ހަދާފައިވެ އެވެ. އަދި ރައީސް ޔާމީން ޓާމިނަލުން ނުކުންނަވައި ސަލާން ކުރައްވަމުން ގެންދެވި އިރު ގިނަ ބަޔަކު އަތްތިލަބަޑި ވެސް ޖަހަމުން ދިޔަ އެވެ.
އައްޑު އަށް މެންދުރު ފަހުން މޫސުން އެހާ ރަނގަޅު ނޫން ނަމަވެސް، ޔާމީނަށް މަރުހަބާ ކިޔަން ދުރާލައި ޕާޓީގެ އައްޑޫގެ މެމްބަރުން ވި ތައްޔާރީތަކާ އެކީ ފެނުނީ ވަރަށް ފޯރި އާއި ޖޯޝެވެ.
Addu City in Raees Yameen ah Hoonu Maruhabaa eh dhannavaifi #AfirinYameen#RY2023 pic.twitter.com/Fvc7lmkHmk
— Progressive Party of Maldives (@ProgressPartyMV) November 6, 2022
ޔާމީން މިއަދުން ފެށިގެން މި މަހުގެ 9 އާ ހަމައަށް އައްޑު އަށް ކުރައްވާ ދަތުރުގައި އައްޑޫގެ ހުރިހާ އަވަށަކަށް ވެސް ވަޑައިގެން ޕާޓީގެ މެމްބަރުންނާ ބައްދަލުކުރައްވާނެ އެވެ. އެގޮތުން މިއަދު އެންމެ ފުރަތަމަ ވަޑައިގަންނަވަން ހަމަޖެހިފައި ވަނީ ފޭދޫގެ މެމްބަރުންނާ ބައްދަލުކުރުމަށް ޕީޕީއެމްގެ ފޭދޫ އޮފީހަށެވެ.
Addu City ah Raees Yameen Vadaigannavaatheeve Emanikufaanah Hoonu Maruhabaa eh Dhennevumah Vaanjahey emme fahuge thayyaari thah #RY2023 #AfirinYameen pic.twitter.com/XxRE1Vl9Ll
— Progressive Party of Maldives (@ProgressPartyMV) November 6, 2022
އަންނަ އަހަރު ބާއްވާ ރިޔާސީ އިންތިހާބުގައި ޕީޕީއެމް/ޕީއެންސީން ވާދަކުރުމަށްޓަކައި ރިޔާސީ ޓިކެޓް ވެސް ހަވާލުކޮށްފައިވާ ޔާމީން އައްޑު އަށް ކުރައްވާ ދަތުރުގައި ހާއްސަ ޖަލްސާއެއް ވެސް އައްޑޫގައި ބާއްވަން ހަމަޖެހިފައިވެ އެވެ.
ޔާމީން އެންމެ ފަހުން އައްޑު އަށް ވަޑައިގެންނެވީ 2018 ގެ ރިޔާސީ އިންތިހާބުގެ ކެމްޕޭންގެ ތެރޭގަ އެވެ. އަދި މިއީ އެ މަނިކުފާނު ތަންފީޒުކުރައްވަމުން ގެންދެވި ޖަލު ހުކުމުން ސަލާމަތްވެވަޑައިގަތް ފަހުން އައްޑު އަށް ކުރައްވާ ފުރަތަމަ ދަތުރު ވެސް މެ އެވެ.
Addu City in Raees Yameen ah Hoonu Maruhabaa dhannavaifi #AfirinYameen#RY2023 pic.twitter.com/dSXl8lIn9q
— Progressive Party of Maldives (@ProgressPartyMV) November 6, 2022
ރާއްޖޭގެ އެކި އަތޮޅުތަކަށް ވަޑައިގެން ޔާމީން ކެމްޕޭން ކުރައްވަމުން ގެންދަވާ އިރު، ޕީޕީއެމުން ބުނެފައި ވަނީ ރިޔާސީ އިންތިހާބުގެ ކުރިން ޔާމީން ރާއްޖޭގެ ހުރިހާ ރަށަކަށް ވަޑައިގަންނަވާނެ ކަމަށެވެ.