ރައީސް އަބްދުﷲ ޔާމީން މިހާރު ހުންނެވީ އައްޑޫގެ ކުރިއެރުމަށް މި ސަރުކާރުން ކުރަމުން އަންނަ ކަންކަން ފެނިވަޑައިގެން ކޮސްވެ، ބަސްހުއްޓިފައި ކަމަށް މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެ އެވެ.
ރައީސް ޔާމީން އިއްޔެ އައްޑު އަށް ފެއްޓެވި ދަތުރާ ގުޅުވައިގެން އޭނަ މިއަދު ކުރެއްވި ޓްވީޓެއްގައި ވިދާޅުވީ ޕީޕީއެމާއި ޕީއެންސީގެ މެމްބަރުންގެ ދުލުން އަބަދު ވެސް އިވެމުން އަންނަނީ އައްޑޫގައި "ހާދަ ކަމެއް އެބަކުރެވެޔޭ" އެވެ.
PPM/PNC team ge Memberun ge dhulun abadhuves ivemun dhiyaiee “Haadha kameh Eba kureyey” Mulhi Addu city miothee konhefa Ey magu hadhan! Engine ge aai Office aai School aai Miskih alhanee Ey! List dhigey! YAG Ves huree kossve bas huttifa, dhen vaane vaudhakaai medhu visnan 😂😂😂
— Feydhoo Meehaa (Mohamed Nihad) (@nihad_m) November 7, 2022
"މުޅި އައްޑޫ މިއޮތީ ކޮނެފައޭ މަގު ހަދަން. އިންޖީނުގެ ގޭގެ އާ އޮފީހާއި ސްކޫލާއި މިސްކިތް އަޅަނީއޭ. [ކުރަމުން އަންނަ ކަންކަމުގެ] ލިސްޓް ދިގޭ،" ނިހާދު ވިުދާޅުވި އެވ. "[އެހެންވެ] ރައީސް ޔާމިން ވެސް ހުންނެވީ ބަސްހުއްޓި، ދެން ވާނެ ވައުދަކާ މެދު ވިސްނަން."
ޔާމީން އިއްޔެ ފޭދޫ ރައްޔިތުންނާ ބައްދަލުކުރައްވައި ދެއްކެވު ވާހަކައިގައި ވިދާޅުވީ އައްޑު އަށް ވަޑައުގަތުމުން ތަރައްގީގެ މަޝްރޫއުތައް ގިނަކަމުން އެކަން ހޯދާ ނުފެންނަ ކަމަށެވެ. އަދި އެ ބުނާ ތަރައްގީގެ މަޝްރޫއުތަކެއް ނުފެނިގެން ރައްޔިތުން ވެސް އުޅޭ ކަމަށް ވިދާޅުވި އެވެ. އެ މަނިކުފާނު ވިދާޅުވީ އައްޑޫ ތަރައްގީކުރައްވަން ބޭނުންވާ ކަމަަށާއި އެކަން ކުރެއްވުމަށް ވެރިކަމުގެ އިތުރު ދައުރެއް ބޭނުންވާ ކަމަށެވެ.