ގުޅިގެން ހިލޭ ޕްރޮގްރާމްތަކެއް ހިންގަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާއި މޯލްޑިވްސް އިންސްޓްޓިއުޓް އޮފް ޓެކްނޮލޮޖީ (އެމްއައިޓީ) އާ ދެމެދު އެމްއޯޔޫއެއްގައި މިއަދު ސޮއިކޮށްފިި އެވެ.
މި އެއްބަސްވުމުގައި އެޗްޑީސީގެ ފަރާތުން ސޮއި ކުރެއްވީ މެނޭޖިން ޑިރެކްޓަރ އަހުމަދު އާތިފެވެ. އެމްއައިޓީގެ ފަރާތުން ސޮއިކުރެއްވީ އެ އިންސްޓިޓިއުޓްގެ ޑިރެކްޓަ އޮފް ޕްރޮގްރާމްސް އާދަމް ހަލީމެވެ.
އެއްބަސްވުމުގެ މައިގަނޑު މަގުސަދަކީ ހާއްސަ އެހީއަށް ބޭނުންވާ ފަރާތްތަކަށް ސްކިލް ޑިވެލޮޕްމަންޓް ޕްރޮގްރާމްތައް ހިންގުމެވެ. އަދި މި ކަމަކީ އެޗްޑީސީން ހާއްސަ އެހީއަށް ބޭނުންވާ ފަރާތްތަކާ އެކު ބޭއްވުނު މަޝްވަރާ ބައްދަލުވުންތަކުގައި އެ ފަރާތްތަކުން އެޗްޑީސީ އަށް ހުށަހަޅާފައިވާ ކަމެކެވެ.
Our goals for smart city includes creating smart people through education and empowerment of the community in various aspects.
As such our partnership with @mitmaldives will facilitate training and skill development programs for women, youth and persons with disabilities. pic.twitter.com/Maj7rp0VqY
— HDC (@hdcmaldives) November 8, 2022
އެޗްޑީސީގެ އަމާޒަކީ މިފަދަ ސްކިލް ޑިވިލޮޕްމަންޓް ޕްރޮގްރާމްތަކުން އެފަދަ ފަރާތްތައް ބާރުވެރިކުރުވައި މަސައްކަތުގެ މާހައުލަށް އަހްލުވެރިބަޔެއްގެ ގޮތުގައި ބިނާ ކުރުމެވެ. މީގެ އިތުރުން މި އެއްބަސްވުމުގެ ދަށުން އަންހެނުންނާއި ޒުވާނުންނަށް އަމާޒުކޮށްގެން އަހަރަކު ދެ ޕްރޮގްރާމް ކުރިޔަށް ގެންދިއުމަށް ރާވާފައިވެ އެވެ. އެގޮތުން، އަންހެނުން ބާރުވެރިކުރުމުގެ ގޮތުން އުފެއްދުންތެރިކުމުގެ ދާއިރާއިން ތަފާތު ދެ ޕްރޮގްރާމެއް ކުރިޔަށް ގެންދިޔުމަށް ހަމަޖެހިފައިވެ އެވެ.
މީގެ އިތުރުން ހުޅުމާލޭގައި ދިރިއުޅޭ ޒުވާނުންނަށް އަމާޒުކޮށްގެން ޔޫތު ސްކިލްސް ޑިވެލޮޕްމަންޓް ޕްރޮގްރާމްތައް ކުރިޔަށް ގެންދިއުމަށް ވެސް ހަމަޖެހިފައިވެއެވެ.
އެޗްޑީސީން ވަނީ މި އަހަރުތެރޭ މިފަދަ ތަފާތު ޕްރޮގްރާމްތަކެއް ހިންގައިފައެވެ. އެގޮތުން، އެޕްރެންޓިސް ޕްރޮގްރާމަކާއި ވޮލީ ކޭމްޕެއްގެ އިތުރުން "ޒުވާނުންގެ ދިސާ" ގެ ނަމުގައިވެސް ޕޮރްގްރާމެއް ހިންގާފައިވެ
އެވެ. މީގެ އިތުރުން ވެސް ތަފާތު އެކި ޕްރޮގުރާމުތަކެއް އެޗްޑީސީން ހިންގާފައިވެ އެވެ.