މި މަހު ގަތަރުގައި ފަށާ ވޯލްޑް ކަޕްގެ މެޗުގެ ސެމީ ފައިނަލްގެ މެޗު ބަލަން އުރީދޫން ފޮނުވަން ހަމަޖެއްސި ހަތަރު ނަސީބުވެރިން ހޮވައިފި އެވެ.
އެ ކުންފުނިން "ވޯލްޑް ކަޕް ފޯރި" ގެ ނަމުގައި ބޭއްވި ޕްރޮމޯޝަން ނިންމައި، ނަސީބުވެރިން ހޮވީ ރާއްޖެ ޓީވީން ގެނެސްދިން ޕްރޮގްރާމެއްގަ އެވެ. ނަސީބުވެރިން ހޮވީ އުރީދޫގެ ޗީފް ކޮމާޝަލް އޮފިސަރު ހުސެއިން ނިޔާޒާއި މާޒިޔާ ސްޕޯޓްސް ކްލަބްގެ ވައިސް ޗެއާމަން އިބްރާހިމް ވަހީދާއި އަދި އެ ކްލަބްގެ ކުޅުންތެރިންނެވެ.
ގަތަރަށް ފޮނުވާނެ ހަތަރު ނަސީބުވެރިންގެ ގޮތުގައި ހޮވުނީ މަރިޔަމް ޝަބްނަމާއި އާއި އަހުމަދު ޝިހާމާއި ހާފިޒް ސައީދުގެ އިތުރުން ސޮމަރަތްނަ ޔޮޑަގެ އެވެ.
✨The wait is finally over!
Congratulations to the 4 Grand Lucky Winners of #OoredooFootballFoari who will be flying off to Qatar to watch a World Cup Semi Final. 🥳
The winners get
✈️Return tickets to Qatar,
🏨Accommodation
🎫 World Cup Semi-Final match ticket pic.twitter.com/4LEi5Knpzs— Ooredoo Maldives (@OoredooMaldives) November 7, 2022
އުރީދީގެ ހަރަދުގައި ވޯލްޑް ކަޕްގެ ސެމީ ފައިނަލް މެޗު ބަލަން ދާން ހަތަރު މީހަކު ހޮވީ މިދިޔަ އޮގަސްޓު މަހުން ފެށިގެން މިދިޔަ މަހުގެ ނިޔަލަށް ބޭއްވި ޕްރޮމޯޝަނަކަށް ފަހު އެވެ. އެ މުއްދަތުގެ ތެރޭގައި އުރީދޫން ހިދުމަތް ހޯދި ހުރިހާ ކަސްޓަމަރުން ލަކީޑްރޯގައި ބައިވެރިކޮށްފައިވެ އެވެ.
ގަތަރުގައި މި މަހުގެ 20 ގައި ފަށާ ވޯލްޑް ކަޕްގެ ސެމީ ފައިނަލް މެޗު ބަލަން ދާން ހޮވުން ހަތަރު ނަސީބުވެރިންނަށް ވެސް ދެ ކޮޅު ޓިކެޓާއި މެޗުގެ ޓިކެޓާއި ހުރުމުގެ ހަރަދު އުރީދޫން ދޭނެ އެވެ.