އިނގިރޭސިވިލާތުގެ އާ ރަސްގެފާނު ޗާލްސް ތިނެކާ ދިމާލަށް މީހަކު ބިސް އުކައިފި އެވެ.
ރަސްގެފާނު ޗާލްސްއާ ދިމާލަށް ބިސް އުކާފައި ވަނީ އިނގިރޭސިވިލާތުގެ އުތުރުގެ ސަރަހައްދެއްގައި އޮންނަ ޔޯކް ސިޓީ އަށް ވަޑައިގެން އުޅުއްވަނިކޮށެވެ. އެގޮތުން އެ ސިޓީގެ އިސްވެރިންނާ ރަސްގެފާނު ޗާލްސް ސަލާމްކުރައްވަން ގެންދަވަނިކޮށް އާންމުންގެ މީހަކު ވަނީ ރަސްގެފާނާ ދިމާލަށް ބިސްތަކެއް އުކާފަ އެވެ. ނަމަވެސް އެއިން އެއްވެސް ބިހެއް ރަސްގެފާނު ޗާލްސްގެ ގަޔަށް އަމާޒުވެފައެއް ނުވެ އެވެ.
A man has been detained after appearing to throw eggs at King Charles pic.twitter.com/f4A5UjKVF7 https://t.co/GZ8NfolrbV
— BBC News (UK) (@BBCNews) November 9, 2022
ޗާލްސްއާ ދިމާލަށް ބިސްތަކެއް އުކި މީހާ ވަގުތުން ވަނީ އެ ސަރަހައްދުން ހައްޔަރުކޮށްގެން ގެންގޮސްފަ އެވެ.
އިނގިރޭސިވިލާތުގެ ރަސްގެފާނު ކަމަށް ޗާލްސް އައްޔަން ކުރެވުނީ މިދިޔަ ސެޕްޓެމްބަރު މަހުގެ ތެރޭގައި ޗާލްސްގެ މަންމާފުޅު، ރާނީ އެލިޒަބަތު ދޭއް އަވަހާރަވުމާ ގުޅިގެންނެވެ.