މާލޭގައި ރޭ ގަރާޖެއްގައި ރޯވި ނުރައްކާތެރި ހާދިސާއާ ގުޅިގެން މިހާރު 31 މީހަކަށް ވަގުތީ ބޯހިޔާވަހިކަން ހަމަޖައްސައި ދީފި އެވެ.
މިކަމާ ބެހޭ ގޮތުން ޑިޒާސްޓާ މެނޭޖްމަންޓް އޮތޯރިޓީން ބުނީ އޭގެ ތެރޭގައި ހިމެނީ 18 ބިދޭސީއަކާއި 13 ދިވެހިން ކަމަށެވެ. މި މީހުންނަކީ ރޯވި މާފަންނު އިސްކަންދަރު މަގާއި ކޯރުކެނޑި މަގު ގުޅޭ ހިސާބުގައި ހުންނަ މ. ސެންރޯސްގޭގެ އެންމެ ތިރީގައި ހުރި ގަރާޖު ރޯވުމާ ގުޅިގެން އެ އިމާރާތާ ކައިރީގައި ހުރި އިމާރާތްތަކުގައި އުޅެމުން ދިޔަ މީހުންނެވެ.
ޑިޒާސްޓާ އިން ބުނީ ވަގުތީ ހިޔާތަކަށް ބަދަލުވި މީހުންގެ ތެރެއިން ގިނަ ދިވެހިން ބަދަލުވީ އެ މީހުންގެ އާއިލީ މީހުންގެ ގާތަށް ކަމަށެވެ. އަދި ބާކީ ތިބި މީހުން ގެސްޓު ހައުސްތަކަށް ބަދަލުކޮށްފައިވެ އެވެ.
NDMA has established an evacuation center in Maafannu Stadium for those displaced and affected by the fire in Male'. Arrangements are being made to provide relief assistance and support.
— NDMA Maldives (@NDMAmv) November 10, 2022
ރޭ ދަންވަރު 12:30 އެހާކަށްހާ އިރު ގަރާޖުގައި ރޯވި ހާދިސާގައި މިހާތަނަށް 10 މީހަކު މަރުވެފައިވެ އެވެ.