ރޭގެ އަލިފާނުގެ ހާދިސާ ސީރިއަސް މައްސަލައެއްގެ ގޮތުގައި ތަހުގީގު ކުރަމުން އަންނަ ކަމަށް ފުލުހުން ބުނެފިއެވެ.
ރޭގެ އަލިފާނުގެ ހާދިސާގައި ގަރާޖެއްގައި ރޯވެ، އަލިފާންގަނޑު އެ އިމާރާތުގެ ދެ ބުރިއަކަށް ފެތުރިގެންދިޔައިރު، މިހާދިސާގައި މިހާތަނަށް 10 މީހަކު މަރުވެފައިވާ ކަމަށް ފުލުހުން މައުލޫމާތުދެއެވެ.
މިހާދިސާއާ ގުޅިގެން ފުލުހުން ބުނެފައިވަނީ ނިޔާވި މީހުންގެ ތެރެއިން ބައެއް މީހުންގެ މައުލޫމާތު އަދި ޔަގީން ކުރެވިފައި ނުވާ ކަމަށެވެ.
މި އަލިފާނުގެ ހާދިސާގެ ތަހުގީގު ދިވެހި ފުލުހުންގެ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ކުރަމުންގެންދާ ކަމަށްވެސް ފުލުހުން ބުނެފައިވެއެވެ.
ރޭ ހިނގި އަލިފާނުގެ ހާދިސާގައި 10 މީހަކު ވަނީ ނިޔާވެފައި. ނިޔާވި މީހުންގެ ތެރެއިން ބައެއް މީހުންގެ މައުލޫމާތު އަދި ޔަގީން ކުރެވިފައި ނުވޭ
މި އަލިފާނުގެ ހާދިސާގެ ތަހުގީގު ދިވެހި ފުލުހުންގެ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ދަނީ ކުރަމުން@MNDF_Official @NDMAmv pic.twitter.com/lhR82ggbvt
— Maldives Police (@PoliceMv) November 10, 2022
މިހާދިސާއާ ގުޅޭގޮތުން އެމްއެންޑީއެފްއިން ބުނެފައިވަނީ މިހާދިސާގައި ފުރަތަމަ ފެނުނު ދެމީހުން އައިޖީއެމްއެޗްއަށް ފޮނުވާލި ކަމަށެވެ. އޭގެން އެކަކު ނިޔާވިއިރު، އަނެއްމީހާގެ ހާލު ކްރިޓިކަލް ކަމަށެވެ. އަދި އިމާރާތުގެ ތެރެެއިން 9 މީހެއްގެ ހަށިގަނޑު ފެނިފައިވާ ކަމަށެވެ.