އަންނަ އާދީއްތަ ދުވަހު ގަތަރުގައި ފެށުމަށް ހަމަޖެހިފައިވާ ވޯލްޑް ކަޕްގެ ހުޅުވުމުގެ ރަސްމިއްޔާތުގައި ކޭޕޮޕް މިއުޒިކްގެ އެންމެ މަޝްހޫރު ބޭންޑް ބީޓީއެސްގެ މެމްބަރު ޖަންގް ކުކް ފެންނާނެ ކަމަށް އެ ބޭންޑުން ބުނެފި އެވެ.
ވޯލްޑް ކަޕް ހުޅުވުމުގެ ރަސްމިއްޔާތުގައި ޖަންގް ކުކްގެ އިތުރުން ކޮލަމްބިއާގެ މަޝްހޫރު ލަވަކިއުންތެރިޔާ ޝަކީރާ އާއިމަޝްހޫރު ޕޮޕް ލަވަކިޔުންތެރިޔާ ޑުއާ ލީޕާގެ ހުށަހެޅުމެއް ފެނިގެންދާނެ އެވެ.
방탄소년단 ‘정국’이 2022 FIFA 카타르 월드컵 공식 사운드트랙과 월드컵 개막식 공연에 참여합니다. 많은 기대 부탁드립니다!
Proud to announce that Jung Kook is part of the FIFA World Cup Qatar 2022 Soundtrack & will perform at the World Cup opening ceremony. Stay tuned!#FIFAWorldCup pic.twitter.com/MwJ2kdNRBp— BTS_official (@bts_bighit) November 12, 2022
ވޯލްޑް ކަޕް ހުޅުވުމުގެ ރަސްމިއްޔާތު އޮންނާނީ މުބާރާތުގެ ފުރަތަމަ މެޗު ފެށުމުގެ އެއްގަޑިއިރު ކުރިންނެވެ. ފުރަތަމަ މެޗުގައި ބައްދަލުކުރާނީ ގަތަރާއި އިކުއެޑޯ އެވެ.
މަޝްހޫރު ތަރިންތަކުގެ ހުށަހެޅުންތަކުގެ އިތުރުން ވޯލްޑް ކަޕްގެ މެސްކޮޓް ވެސް ދައްކާލުން އޮންނާނެ އެވެ. ފީފާ އިން މިހާތަނަށް ވަނީ ވޯލްޑް ކަޕްގެ ރަސްމީ ލަވައިގެ ގޮތުގައި ހަތަރު ލަވައެއް އާންމުކޮށްފަ އެވެ.
ޖުމްލަ 32 ޓީމު ވާދަކުރާ ވޯލްޑް ކަޕް ކުރިއަށްދާނީ މި މަހުގެ 20 އިން އަންނަ މަހުގެ 18 ގެ ނިޔަލަށެވެ.