އަންނަ އަހަރުން ފެށިގެން ޓެކްސް ބޮޑުކުރަން ނިންމާފައިވާ އިރު އެކަން ހުއްޓުވައި ދޭން ރައީސް އިބްރާހީމް މުހައްމަދު ސޯލިހަށް ހެންވޭރު ހުޅަނގު ދާއިރާގެ މަޖިލިދް މެމްބަރު ހަސަން ލަތީފް ގޮވާލައްވައިފި އެވެ.
މި ސަރުކާރަށް މި ފަހުން އެންމެ ބޮޑު ވިދާޅުވާ ބޭފުޅުންގެ ތެރޭގައި ހިމެނިވަޑައިގަންނަވާ އެމްޑީޕީގެ ކުރީގެ ޗެއާޕާސަން ރޭ ކުރެއްވި ޓްވީޓެއްގައި ވިދާޅުވީ އެކި ގޮތްގޮތުން ސަރުކާރަށް ދައްކަން ޖެހި ނުދައްކާ ހުރި ފައިސާގެ އަދަދު 15 ބިލިއަން އަށް ވުރެ ބޮޑު ކަމަށެވެ. އެހެންވެ އެ ފައިސާ ހޯދަން އެކަށީގެންވާ މަސައްކަތް ނުކޮށް ރައްޔިތުންގެ އަތުން ނަގާ ޓެކްސް ބޮޑު ކުރުމަކީ ވަރަށް ބޮޑު ބޭއިންސާފެއް ކަމަށެވެ.
"ރައީސަށް މިކަން ހުއްޓުވައި ދެއްވަން ވަރަށް އިހްތިރާމާއެކު އެދި ދަންނަވަން." ހަސަން ވިދާޅުވި އެވެ.
Eki goiy gothun Sarukarah dhakkan jehi nudhakkaa huri faisage adhadhu 15 Billion ah vure bodu. Efaisa hoadhan ekasheegenvaa masakkatheh nukoh anekkaaves Rayyithun dhakkaa tax bodukurumakee v.bodu beyinsaafeh. R @ibusolih mikan huttuvai dhevvan varah ihthirama eku edhi dhannavan.
— Hassan Latheef🎈 (@HassanLatheef) November 12, 2022
އޭނަ އަކީ ޓެކްސް ބޮޑުކުރަން ނިންމި ނިންމުމަށް އެންމެ ބޮޑަށް ފާޑު ވިދާޅުވަމުން ގެންދަވާ އެކެކެވެ.
ދައުލަތުގެ އާމްދަނީ އިތުރު ކުރުމަށްޓަކައި ބޭނުންވާ ފައިސާ ހޯދަން ޖީއެސްޓީ އާއި ޓީޖީއެސްޓީ ބޮޑު ކުރުމަށް ފާސްކުރީ މިދިޔަ މަހިގެ ފަހުކޮޅު އެވެ. އެގޮތުން އަންނަ އަހަރުގެ ޖެނުއަރީން ފެށިގެން ޖީއެސްޓީ 6 ޕަސެންޓުން 8 ޕަސެންޓަށް އަދި ޓީޖީއެސްޓީ 12 ޕަސެންޓުން 16 އަށް ބޮޑުވާނެ އެވެ.