އެއް ޕާޓީން އަނެއް ޕާޓީ އަށް ނުދުވާ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ވިދާޅުވެއްޖެ އެވެ.
އެމްޑީޕީގެ އަންހެނުންގެ ގޮފީގެ ރައީސާގެ މަގާމުގައި ހުންނެވި ރޮޒޭއާ މިހާރު އެ ޕާޓީގެ ރައީސް މުހައްމަދު ނަޝީދުގެ ފަޅިން ވަރަށް ބޮޑަށް ސިޔާސީ ގޮތުން ދިމާކޮށްލައި، އެކި ކަހަލަ ވާހަކަތައް އޭނައާ ބެހޭ ގޮތުން ދައްކާ އިރު، ރޮޒޭ އަކީ ހުރިހާ ސިޔާސީ ޕާޓީއެއްގެ ތެރޭގައި އެނބުރުނު ތުންފުންސެއް ކަމަށް ބުނެ ބައެއް މީހުން ދަނީ ފާޑުކިޔަމުންނެވެ.
Alhugandu DRP in aee MDP ah. Ithuru party aku noolhen. Thigothah vidhaalhuvanya MDP in midhiya riyaasee inthihaab ga coalition hedhi JP, MRM, Adhaalath aa. Ehenveema MDP enmen ehurihaa party ehga ves ulheneetho?
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) November 15, 2022
އެގޮތުން ޓްވިޓާގައި މީހަކު ރޮޒޭ އަކީ "ހުރިހާ ފަސާދައެއްގެ ބަލާވެރިކަން" ކަމަށް ބުނެ ދެއްކި ވާހަކައާ ގުޅިގެން އޭނާ ވިދާޅުވީ ކުރިން އުޅުއްވި ޑީއާރްޕީ ދޫކޮށްލައްވައި ގުޅިވަޑައިގަތީ އެމްޑީޕީއާ ކަމަށެވެ.
"އިތުރު ޕާޓީއަކު ނޫޅެން،" ރޮޒޭ ވިދާޅުވި އެވެ. "ތި ގޮތަށް ވިދާޅު ވަނީ އެމްޑީޕީން މިދިޔަ ރިޔާސީ އިންތިހާބުގައި ކޯލިޝަން ހެދި ޖޭޕީ އާއި އެމްއާރްއެމާއި އަދާލަތުން،" އޭނާ ވިދާޅުވި އެވެ. "އެހެންވީމަ އެމްޑީޕީ އެންމެން އެ ހުރިހާ ޕާޓީއެއްގައި ވެސް އުޅެނީތޯ؟"
އެމްޑީޕީގެ ތެރެއިން ރޮޒޭ އަށް އަމާޒުވެފައިވާ ހަމަލާތަކާ އެކީ ދާދި ފަހުން އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ވިދާޅުވެފައި ވަނީ "ރޮޒޭ އަކީ އެމްޑީޕީ އަށް ޖެހިފައިވާ ކުޑަވަރެއްގެ މުސީބާތެއް" ކަމަށެވެ.