އަންނަ އަހަރު ބާއްވާ 95 ވަނަ އޮސްކާ އެވޯޑްސްގެ ހޯސްޓަކަށް މަޝްހޫރު ޓީވީ ހޯސްޓް ޖިމީ ކިމެލް ހަމަޖައްސައިފި އެވެ.
ބެލުންތެރިންގެ މެދުގައި ވަރަށް ބޮޑު މަގުބޫލު ކަމެއް ހޯދާފައިވާ 55 އަހަރުގެ ހޯސްޓަކީ ކުރިން ވެސް ދެ ފަހަރެއްގެ މަތިން އޮސްކާ ހޯސްޓްކޮށްފައިވާ ފަންނާނެކެވެ. އެއީ 2017 އާއި 2018 ގަ އެވެ.
އަލުން ލިބުނު ފުރުސަތާ ބެހޭ ގޮތުން ކިމެލް ބުނީ އޮސްކާ އިންތިޒާމުކުރާ އެކަޑެމީ އޮފް މޯޝަން ޕިކްޗާ އާޓްސް އެންޑް ސައިންސެސް އޭއެމްޕީއޭއެސް) އިން ތިން ވަނަ ފަހަރަށް އެވޯޑް ހަފުލާ ހޯސްޓްކުރަން ދައުވަތު ދިނުމަކީ ވަރަށް ބޮޑު ފަހުރެއް ކަމަށެވެ. އަދި ހަމަމިއާ އެކީ މިއީ މަޅިއަކަށް ވެސް ވެދާނެ ކަމަށް ބުންޏެވެ.
Introducing your 95th Academy Awards host, Jimmy Kimmel. Welcome back!
Tune into ABC to watch the Oscars LIVE on Sunday, March 12th at 8e/5p! #Oscars95 pic.twitter.com/qdFZYFeE2r
— The Academy (@TheAcademy) November 7, 2022
ކިމެލް އެގޮތަށް ބުނީ މި އަހަރުގެ އޮސްކާ އެވޯޑް ހަފުލާގައި އެކްޓަރު ވިލް ސުމިތުގެ ފަރާތުން ފެނިގެން ދިޔަ އަމަލަށް އިޝާރާތްކޮށެވެ. މި އަހަރުގެ މާޗްގައި ބޭއްވި 94 ވަނަ އެވޯޑް ހަފުލާގައި އޭނާ ވަނީ އެވޯޑެއް ޕްޒެޒެންޓްކޮށްދޭން އެދި ކޮމީޑިއަން ކްރިސް ރޮކްގެ ކަންކަށިމަތީގައި ތަފާލެއް ޖަހައިފަ އެވެ.
އެކަމާ ގުޅިގެން ކުރިއަށް އޮތް 10 އަހަރުގެ ހަފުލާތަކުގައި ސުމިތު ބައިވެރިނުކުރަން ވަނީ ނިންމައިފަ އެވެ.
އަންނަ އަހަރުގެ އޮސްކާ އެވޯޑް ހަފުލާ އޮންނާނީ އަންނަ އަހަރުގެ މާޗް 12 ގަ އެވެ.