އިރާނުގައި ކުރިއަށްދާ މުޒާހަރާތަކުގެ ތެރެއިން އިރާންގެ ކުރީގެ ރޫހާނީ ލީޑަރު އާޔަތުﷲ ހުމޭނީގެ ގޭގައި ރޯކޮށްލައިފި އެވެ.
ހުމޭނީ އުފަންވެވަޑައިގަތް އަދި އޭގެ ފަހުން ހަޔާތުގެ ބޮޑު ބައި ހޭދަކުރެއްވި ގެއަކީ ފަހުން އޭނަގެ ހަނދާނީ ދާރުލްއާސާރާކަށް ބަދަލުކޮށްފައިވާ ތަނެކެވެ. އެ ތަނުގައި މުޒާހަރާކުރަމުން ދިޔަ ބަޔަކު ރޯކޮށްލީ ރޭގެ ވަގުތެއްގަ އެވެ. އެ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ދައުރުވެފައިވެ އެވެ.
Protestors in the city of Khomein have burned down the childhood home of the late Ayatollah Khomeini, founder of the country's current theocracy. The symbolic significance of this move against the most revered figure in the Islamic Republic cannot be overstated.#MahsaAmini pic.twitter.com/vmoJfj3NAX
— Siavash Ardalan (@BBCArdalan) November 18, 2022
ނަމަވެސް އިރާންގެ ބައެއް އިދާރާތަކުން ވަނީ ހުމޭނީގެ ގޭގައި އަލިފާން ރޯކުރި ކަމަށް ބުނާ ވާހަކަ ދޮގުކޮށްފަ އެވެ. ހުމޭނީ އަކީ 1979 ގައި އިރާނަށް ގެނައި އިސްލާމީ އިންގިލާބުގެ ލީޑަރަވެ. އޭނަ އުމުރުން 87 އަހަރުގައި އަވަހާރަވީ 1989 ގަ އެވެ.
ސެޕްޓެމްބަރު މަހުގެ 16 އިން ފެށިގެން އެތައް ބަޔަކު މަގުތަކަށް ނުކުމެ، މުޅި އިރާންގައި މުޒާހަރާކުރަން ފެށީ މަހްސާ އަމީނީ ކިޔާ 22 އަހަރުގެ އަންހެނަކު ބުރުގާ ނާޅައި އުޅުމުން ފުލުހުން އޭނާ އެ މަހުގެ 13 ގައި ހައްޔަރުކޮށް ދިން އަނިޔާތަކާ ގުޅިގެން، ހޮސްޕިޓަލްގައި ފަރުވާ ދެމުން ދަނިކޮށް ސެޕްޓެމްބަރު 16 ގައި މަރުވުމާ ގުޅިގެންނެވެ.
މި މުޒާހަރާތަކާ ގުޅިގެން މިހާތަނަށް އެތައް ބަޔަކު މަރުވެފައިވާ އިރު، މުޒާހަރާކޮށްގެން އެތައް ބަޔަކު ތަފާތު އެކި ދައުވާތައް ވެސް އުފުލާފައިވެ އެވެ.