އިންޑިއާގެ ޓުޓިކޮރިންގެ "ކޯސްޓަލް މެކަނައިޒްޑް ސެއިލް ވެސެލް އޯނާސް އެސޯސިއޭޝަން" ގެ ޓީމެއް ރާއްޖެ އަތުވެއްޖެ އެވެ.
މި މަހުގެ 20-23 އަށް އެ ޖަމިއްޔާ އިން ރާއްޖެއަށް ކުރާ ދަތުރުގެ މައިގަނޑު ބޭނުމަކީ ޓުޓިކޮރިން ބަނދަރާއި ރާއްޖެއާ މެދު އޮތް ވިޔަފާރީގެ ގުޅުން ރަނގަޅުކޮށް ވިޔަފާރީގެ އިތުރު ފުރުޞަތުތައް ފުޅާކުރުމަށް މަޝްވަރާކުރުމެވެ.
އެ ޓީމް ވަނީ މާލޭގެ ވިޔަފާރި ބަނދަރަށް ޒިޔާރާތްކޮށް، މޯލްޑިވްސް ޕޯޓްސް ލިމިޓެޑް (އެމްޕީއެލް) ބައްދަލުކޮށް، އެ ކުންފުނީގެ އިސްވެރިންނާ ބައްދަލުކޮށްފަ އެވެ.
A high-level delegation of the Coastal Mechanized Sail Vessel Owners’ Association of Tuticorin, #India met our CEO & senior management. During this meeting, we discussed how we can improve our services, and cooperate in mutual areas of interest to boost bilateral trade relations. pic.twitter.com/7uNT2hfMmH
— Maldives Ports Limited (@Portmv) November 21, 2022
އިންޑިއާގެ އެސޯސިއޭޝަން ޓީމް ކުޅުދުއްފުށީ ޕޯޓާއި ހިތަދޫ ޕޯޓަށް ވެސް ޒިޔާރަތްކުރަން ހަމަޖެހިފައިވެ އެވެ. އަދި އެ ސަރަހައްދުތަކުގެ ސިޓީ ކައުންސިލްތަކާއި ވިޔަފާރިވެރިންނާއި، މަދަނީ ޖަމިއްޔާ އަދި އަންހެނުންގެ ތަރައްގީ އަށް މަސައްކަތްކުރާ ކޮމެޓީތަކާ ވެސް ބައްދަލުކުރާނެ އެވެ.