މާލީ ނިޒާމުގެ އިތުބާރު ގެއްލޭގޮތަށް ވާހަކަ ނުދެއްކުމަށް މަރަދޫ ދާއިރާގެ މެމްބަރު އިބްރާހިމް ޝަރީފް، މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަށް ގޮވާލައްވައިފިއެވެ.
ރާއްޖޭގެ އިގްތިސާދީ ހާލަތާ ގުޅޭގޮތުން ރައީސް ނަޝީދު ކަންބޮޑުވުން ފާޅުކުރައްވަމުން އަންނައިރު، މިފަހުން ރައީސް ނަޝީދު އަންނަނީ ރާއްޖޭގެ ފޮރިން ކަރެންސީ ރިޒާވް ދައްކަމަށް ވިދާޅުވެ އެކަމުގެ ކަންބޮޑުވުން ފާޅުކުރައްވަމުންނެވެ.
އެކަމާ ގުޅިގެން ޝަރިފް ކުރެއްވި ޓްވީޓެއްގައި ވިދާޅޫވީ، ޒިންމާދާރު މަގާމެއްގައި ހުންނަވައިގެން ރައީސް ނަޝީދު، ރާއްޖެ ބޭންކްރަޕްޓް ވެއްޖެ ކަމަށް އިއުލާނު ކުރައްވަމުން ގެންދެވުމަކީ، ދައުލަތުގެ މާލީ ނިޒާމަށް އޮތް އިތުބާރު ގެއްލި، ދައުލަތް އަނދަވަޅަކަށް ވެއްޓިގެން ހިނގައިދާނެ ފަދަ ބިރުވެރި ކަމެއް ކަމަށެވެ. އެހެންކަމުން އެކަން އެގޮތަށް ނުކުރެއްވުމަށް ޝަރީފް ގޮވާލައްވާފައިވެއެވެ.
Zimmaadhaaru magaamehga hunnavaigen @MohamedNasheed Raajje bankrupt vejje kamah iulaan kuravvamun gendhevumakee Dhaulath maalee nizaamah oi ithubaaru gelli gaumu adhavalhakah vettigen higaidhaane fadha biruveri adhi murakkaatheri kameh. Ekan egothah nukrevvumah edhi dhannavan
— Ibrahim Shareef (@AdduShareef) November 23, 2022
މިފަހުން ރައްޔިތުންގެ މަޖިލީހުގައި ވާހަކަ ދައްކަވަމުން ރައިސް ނަޝީދު ވިދާޅުވީ ދައުލަތުގެ ފޮރިން ކަރެންސީ ރިޒާވުގައި ފައިސާ ހުރީ މަދުންކަމަށާއި ރާއްޖޭގެ އަސާސީ ކަންކަމަށް ބޭނުންވާނެ ފައިސާ ނެތީސް، އެހެންގޮތަކަށް ވާހަކަދެއްކުމަކީ ރައްޔިތުންނަށް އޮޅުވާލެވޭ އޮޅުވާލުމެއް ކަމަށެވެ.