އެމްޑީޕީ ފުނޑުފުނޑުކޮށް ހަލާކުކުރަން ޕާޓީގެ ތެރެއިން މަސައްކަތްކުރާ ކޮންމެ މީހަކީ އެ ޕާޓީ އަށް ހަރާންކޯރުވާ ބައެއް ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެ އެވެ.
އޭނަ ރޭ ކުރެއްވި ޓްވީޓެއްގައި ރައީސް އިބްރާހީމް މުހައްމަދު ސޯލިހުގެ ފޮޓޯއަކާ އެކީ ވިދާޅުވީ އެމްޑީޕީ އަކީ އެތައް ހާސް ބައެއްގެ ލެ އާއި ވިންދާ ގުޅިފައިވާ ގައުމީ ތަރައްގީގެ ބިންގާ ކަމަށެވެ.
MDP akee ethah haas rayyithun ge leyaai, vindhaai gulhifai vaa gaumee tharaggee ge bingaa! Mi bingaa fundu fundu kollan nikunna konme meehakee MDP memberunnah haraankoaru vaa meeheh! Majlis aai Raees aai eku masakkaih kurevunu nama dhuvahakuves MDP bali nukureveyne! MDP Kuriyah! pic.twitter.com/jjFEBOqbH5
— Feydhoo Meehaa (Mohamed Nihad) (@nihad_m) November 25, 2022
"މި ބިންގާ ފުނޑުފުނޑުކޮށްލަން ނުކުންނަ ކޮންމެ މީހަކީ އެމްޑީޕީގެ މެމްބަރުންނަށް ހަރާންކޯރުވާ މީހެއް،" ނިހާދު ވިދާޅުވި އެވެ. "މަޖިހާއި ރައީސް ސޯލިހާ އެކީ މަސައްކަތް ކުރެވުނު ނަމަ ދުވަހަކު ވެސް އެމްޑީޕީ ބަލި ނުކުރެވޭނެ. އެމްޑީޕީ ކުރިއަށް."
ނިހާދަކީ އެމްޑީޕީގެ ރައީސް އަދި މަޖިލީހުގެ ވެސް ރައީސް މުހައްމަދު ނަޝީދާއި އެ މަނިކުފާނު ފަޅީގައި ތިބި އެމްޑީޕީގެ މެމްބަރުން ރައީސް ސޯލިހަށާއި ސަރުކާރަށް ވަރަށް ބޮޑަށް ފާޑުކިޔާތީ އެކަމާ ދެކޮޅަށް އެންމެ ބޮޑަށް ވާހަކަ ދައްކަވާ އެއް މެމްބަރެވެ. އަދި އޭނަ އަކީ ރައީސަށާއި ރައީސްގެ ސިޔާސަތުތަކަށް ވަރަށް ބޮޑަށް ތާއީދުކުރައްވާ މެމްބަރެކެވެ.
ނިހާދު ކުރިން ވިދާޅުވެފައިވާ ގޮތުގައި އަންނަ އަހަރުގެ ރިޔާސީ އިންތިހާބު ރައީސް ސޯލިހު ފަސޭހަމަކާ އެކީ ކާމިޔާބުކުރައްވާނެ އެވެ.