ދާރުލްއާސާރުގައި ހުރި ތަކެތި ބަލާލުމަށް މިއަދު ހިލޭ ވަދެވޭގޮތަށް ހަމަޖައްސަައިފިއެވެ.
މިގޮތަށް ހަމަޖައްސާފައިވަނީ ޤައުމީ ދާރުލްއާސާރަށް 70 އަހަރު ފުރުމުގެ މުނާސަބަތުގައެވެ.
އެގޮތުން މިއަދު ހެނދުނު 10:00 އިން ފެށިގެން ހަވީރު 6:00 އާ ހަމައަސް ހިލޭ ދާރުލްއާސާރަށް ވަނުމުގެ ފުރުސަތު ވަނީ ހުޅުވާލާފައެވެ.
ގައުމީ ދާރުލްއާސާރަށް 70 އަހަރު ފުރުމާއި ގުޅިގެން 2022 ނޮވެންބަރު 26 ވާ ހޮނިހިރު ދުވަހު (މާދަމާ) އެއްވެސް އަގަކާ ނުލައި ގައުމީ ދާރުލްއާސާރަށް ވަނުމުގެ ފުރުޞަތު ހެނދުނު 10:00 ން ހަވީރު 6:00 އަށް
ޒިޔާރަތްކޮށްލައްވާ! https://t.co/S7PwGwdCOi
— National Centre for Cultural Heritage (@HeritageMv) November 25, 2022
އެއްވެސް އަގަކާ ނުލައި މިއަދު ގައުމީ ދާރުލްއާސާރަށް ވަނުމުގެ ފުރުސަތު ހުޅުވާލުމާ ގުޅިގެން ގިނަ ބަޔަކު ދާރުލްއާސާރުގައި ހުރި ތަކެތި ބަލާލުމަށް ދަނީ ޒިޔާރާތްކުރަމުންނެވެ.
ދާރުލްއާސާރަށް ވަނުމުގެ ފުރުސަތު ހަފްތާ ބަންދުނޫން ކޮންމެ ދުވަހަކުވެސް އޮންނައިރު ދާރުލްއާސާރަށް ވަދެވެނީ އެކަމަށް ހާއްސަ ޓިކެޓެއް ނަގައިގެންނެވެ. އެގޮތުން ބޮޑެތި މީހުންގެ ޓިކެޓް 25 ރުފިޔާއަށް ވިއްކާއިރު ކުޑަކުދިންގެ ޓިކެޓް 20 ރުފިޔާއަށް އަދި ސްކޫލް ދަރިވަރުންނަށް 15 ރުފިޔާއަށް ޓިކެޓް ދޫކުރެއެވެ.